Sabwaya jawi, otabuwa wa attu apama, opujiwa vaddiddi. Ena anofiyedha wubuwela wi, akala muttu kanfuna otabuwa, onofwanyela onyanyala opama.

Attu ena anorumela masunziho awi muttu onokwa agamala babaliwa wili. Awene anloga wi ole wirile dhapama, agabaliwa onokana egumi yofwasa, mbwenye abale erile dhabure ambaleliwa otabuwa. Attu aba anologa wi: masiki muttu waderetu onotabuwela “merelo aye a wale.” Kito . . .

• Muttu ombaliwa wili, ontabuwela nni mwaha wa muladdo okosiliye wale, oku eziweyaga wi iyene nne kanubuwela dhawiradha eso?

• Akala eredda obe masoso-masosovi annipadduwela sabwa ya dhawira dhehu dhawale, kito ninkosela nni guru ya ovibarela?

  KASUNZAVI MISELU DHINA

  Kang’ana vidiyu ena mutoma, Mulugu Onnittiyela Nni Otabuwa? eli mu jw.org.

Mulugu kannitotela goi wi anitxinutxena.

Makaniya bawi dhamwilaboni dhinodha n’ekalelo ya rurumutxa—masaka mena ninowedda mudhidhi wabure na mburo wabure.

“Elobo yina yonilemi mwilaboni mpuno: mmavurhanoni othamaga, masiku mena onakwaranya akwaye kaiye muthu onaguvetxa; mukoddoni vina ongonjiha kaiye muthu wolibetxa. Dila dhinji athu a malago kanna yoja; aziwetxi kanfuma, aliba onona kansakuleliwa mpaddo. Eso dhetene dhilí na gari ya muthu-muthu, peno na ntowa ninimpadduwela.” —KOHELÉT 9:11.

Iyo nintabuwela ottega oravilihu.

Mazu aba “yothega” anromoliwa wi addiwena merelo abure akosile muttu. Mbwenye Bibilia vina onologa mazu aba wi addena ekalelo eli attu—yapama na yabure.

“Miyo ddibaliwé wotakalene, mma waga odditilé wothegene.”—MASALMO 51:7.

Yottega enowattukulela attu wira dhintolotxa.

Yottega kinnonga bahi wandana wehu na Muttanddi, enorutxiha vina wiwanana wehu na dhottanddiwa dha Mulugu. Nona attu agatabuwa venjene; yottega ehasegedha.

Veneva panona miyo ogudulana mmurimani mwaga: vanfunemi wira dhapama, panddaddamela obure.”—ROMA 7:21.

“Pumwenemo: iyo niziwa wi ofiyedha ddabuno dhopaddutxiwa dhotene dhinobulelavi n’ekalelo enbulela muyana, oli omanini.”—ROMA 8:22.