Ofuru Wosakula Nvaho wa Mulugu
“Vali muya wa [Yehova], pali ofuru.”—2 KORINTO 3:17.
JIBO: 31, 32
1, 2. (a) Attu enjene ana moonelo gani wa ofuru wosakula? (b) Txini ensunziha Bibilia sabwa ya ofuru wosakula, nanda ninasekeserhe mavuzo gani?
MUYANA dhahi vakosiye dhosakula dh’omunya, wahimwaddela mukwaye wila: “Kuddubutxedhe, mbwenye oddaddele yokosa. Ejo kinrutxa.” Muyana oddu wafuna wila addeliwe bahi dhokosa, ottiya wila alabihedhe ewodhelo dhaye ya ofuru wosakula, ovahiwiye na Muttanddi. Kito weyo? Onziveliwaga okosa dhosakula dhawo wamwinya, obe waddeliwa na muttu mwina? Ononamo dhavi gari ya ofuru wosakula?
2 Attu enjene akana moonelo wottiyana-ttiyana ologa dha ofuru wosakula. Attu eena anloga wila kanina gari yosakula sabwani Mulugu ohilamula dhowira dhehu dhotene. Eena anloga wila enowodheya okaana ofuru wosakula ttabwa-ttabwa nigafwasa. Masiki dhahene Bibilia onsunziha wila nittanddiwe na gari yosakula dhinfunihu okosa. (Kengesa Josuwé 24:15.) Mbibiliani vina mukala dhowakula dha mavuzo ninga: Ofuru wehu wosakula onele ogoma? Ninalabihedhe dhavi ofuru wehu wi nikose dhosakula dhapama? Dhosakula dhehu dhinlagiha dhavi wila ninomukwela Yehova? Ninalagihe dhavi wila ninoriha dhosakula dha attu eena?
NINASUNZE YOTAGIHA GANI YA YEHOVA NA YEZU?
3. Yehova olabihedhi dhavi ofuru waye wosakula?
3 Yehova okaana ofuru wosakula, nanda ninele osunza mulabihedho onlabihedhiye. Motagiha Yehova wahisakula nlogo na Izrayel wila nikale “naye-nene.” (Olibiha 7:6-8) Iyene wahikaana sabwa yaderetu akosaga yosakula ninga eji. Iyene afuna asorhihe nlibelo nakosiliye na Abramu. (Wita 22:15-18) Ottiya eji, Yehova ddoligana vina ddwebaribari agakosaga dhosakula dhaye. Ninziwa ejuwene sabwa ya mukalelo wasisiguliye ana Izrayel mudhidhi walupani malamulo aye. Vatxinuwani kakamwe na dhokosa dhawa, Yehova wannalevelela. Iyene ologa: “Ddinere ovoliha makwadda awa, ddakwele na murima wotene, sabwa ddiarabeliha owali waga.” (Ozeya 14:5) Yehova ohinivaha yotagiha yaderetu ya olagiha ofuru wosakula wi akamihedhena attu eena!
Yezu ahinatti odha velaboni ya vati, walivi woweddeyana na Mulugu nanda bakoodda omutagiha Satana n’osaringele waye
4, 5. (a) Bani oromile wakela ofuru wosakula, nanda olabihedhi dhavi? (b) Nivuzo gani ninkosa muttu-muttu wa iyo?
4 Yehova ohattandda angelo na attu nanda ohavaha ofuru wosakula. Voroma Yehova omuttanddile Yezu. Omuttanddile na nladdaniho naye, nanda onvaha ofuru wosakula. (Kolosi 1:15) Koddi Yezu olabihedhi dhavi ofuru waye wosakula? Ahinatti odha velaboni ya vati, walivi woweddeyana na Mulugu nanda bakoodda omutagiha Satana n’osaringele waye. Mfiyeliye velaboni ya vati, iyene karumeeli onyengettiwa na masarhapitto a Satana. (Mateu 4:10) Omattiyu womariha ahinatti okwa, Yezu wahiloga na babe wi ddinofuna okosa efunelo yenyu. Ologa dhahi: “Babani, mugafuna, ddirabeliheni masoso aga anfuna oddigwela. Vano kireye enfunemi, yireye enddifunenyuna.” (Luka 22:42) Enowodheya omutagiha Yezu wi nilabihedhe ofuru wehu wosakula na efunelo ya omuttittimiha Yehova?
5 Enowodheya omutagiha Yezu sabwani iyo vina nittanddiwe mu nladdaniho na Mulugu. (Wita 1:26) Ofuru wehu kulitxi wowakwana ninga muli wa Yehova. Nzu na Mulugu ninloga wila Yehova ohika maddile ewodhelo yehu y’osakula nanda onjeedhela wila nirumeele maddileya abo. Motagiha, modhela witiwa wa murala, onfuna wila ateliwi àkurumuwelege amamunawa vina aima arumelege amambalawa. (Éfeso 5:22; 6:1) Maddile aba ampatta dhavi mukalelo onlabihedhihu ofuru wehu wosakula? Yowakula ya nivuzo ntti txino podi onivaha egumi ya musogorho.
OLABIHEDHA MUBURENI OFURU W’OSAKULA
6. Kavaha yotagiha enlagiha wila maddile ana ofuru wehu wosakula bamakamaka.
6 Masiki ofuru wehu ogaanavi maddile enowodheya okana ofuru webaribari? Ndde enowodheya! Sabwaya jani? Sabwani maddileya abo anonibarela. Motagiha, kowiliwa weddiha sikaleta rampa ehina maddile a malamulo. Nanda muttu-muttu bageddaga munfuneliye. Weyo ogattugareya mudilamwa? Mohaganyedha nne. Maddile bamakamaka sabwani anowakamihedha attu etene opurelamo gari eji mowakwana. Ndowe none dhotagiha dha Bibilia dhinlagiha wila maddile aba etiwe na Yehova bopureleyamo mwa iyo notene.
7. (a) Ottiyana gani wana Adamu na dhinama? (b) Koddi iyeneya olabihedhi dhavi ofuru waye?
7 Yehova mmuttanddeliye mulobwana woroma, Adamu, iyene wahinvaha gari yakakene yana angelo, ofuru wosakula. Mulugu kavahile dhinama gari eji. Adamu olabihedhi dhavi ofuru waye? Adamu wahikana gari yovaha mazina dhinama dhetene. Mulugu “odhowana vali mulobwana wi one mazina gani anavaheye enama-enama.” Adamu waroma wang’ana enamaya agamala ovaha nzina. Yehova txipo kasaddulile nne ngafuna yosakula modha ya Adamu. Ottiya eji, “vitagano dhotene dha mento dhiziwiwe na mazina athuviwani na mulobwana.”—Wita 2:19.
8. Adamu olabihedhi dhavi na obure ofuru wosakula, nanda yodhavoya jivi?
8 Yehova wahinvaha Adamu mabasa a okosa elabo ya vati wi ekale paraizu, ologana dhahi: “Kalanina guru dh’obala, enjivihanani, dhalani mwilaboni, muthongemo; mweddihe oba dha mbara, balame dhotene dhodhulu, dhinama dhotene dhinedda mwilaboni.” (Wita 1:28) Mumaleliye Adamu osakulile oja mwiri wakoddihiwiye, alagihaga wi wahipwaza maddile etene emetxile Yehova. Noona sabwa ya Adamu opwaza malamulo aba, nlogo na attu ninotabuwa mwari mwa vyaka matxikwi na matxikwi. (Roma 5:12) Ndoweni nubuwele dhopurelamo dha ohiwelela wa Adamu. Eji enele onikamihedha olabihedha mowakwana ofuru wehu vina orumeela maddile emetxile Yehova.
Nlogo na Izrayel nahisakula orumeela okala na Mulugu nanda nahirumeela maddile emetxiliye
9. Yosakula gani yavahile Yehova ana Izrayel, nanda awene alibeli okosa eni?
9 Attu otene arava ohiligana vina okwa ototile Adamu na Eva. Masiki dhawene iyo nikaana gari ya olabihedha mowakwana ofuru wehu w’osakula. Ndowe noone mukalelo weddihile Yehova nlogo na Izrayel. Yehova wahavaha gari ya osakula orumeela okala nlogo naye obe nne. (Obudduwa 19:3-6) Nlogo nahisakula orumeela okala na Mulugu nanda nahirumeela maddile emetxiliye. Awene aloga: “Iyo ninowira dhetene dhinaddele Nabuya.” (Obudduwa 19:8) Mokubanyiha-mwene, musogorhomwa awene agwadda nipagano nawa na Yehova. Yotagiha eji enonisunziha elobo yaderetu. Wika ttima ofuru wehu wosakula, oku nikosaga guru wi ninfiyedhe Yehova nivirihagamo malamulo aye.—1 Korinto 10:11.
10. Yotagiha gani eli va Ahebreu kapitulu 11 enlagiha wila attu ohiligana akaana ewodhelo ya osakula na mukalelo onimuhagalaliha Yehova? (Koona foto omaromo.)
10 Va Ahebreu kapitulu 11, ninofanyavo mazina 16 a alobwana na ayana ororomela alagihile oriha malago emetxile Yehova. Ninga yopurelamoya awene ajavo mareliho menjene vina akaana njeedhelo naderetu na musogorho. Motagiha, Nowé wahikaana nroromelo noliba nanda ovirihamo malago a Mulugu a omaga pangaya wi aviluwe na murala waye vina ziza naye nigadhilevo musogorho. (Ahebreu 11:7) Abramu na Sara n’ohagalala amwiwelela Mulugu nanda attiya elabo yawa adhowa elabo yalibeliye wavaha. Masiki dhawene aweyene àhikana “gari ya wiyela” badhowa sidadi ya Ur, awene anele okala txenjewa na wang’ana malibelo a musogorho. Bibilia onloga wila “awene atamela elabo yathimayá.” (Ahebreu 11:8, 13, 15, 16) Mizé onyanyala dhorela dha w’Ejipitu nanda “osakula wonihiwa goyi na nlogo na Mulugu, ehilí ojavo nsaka niñgonovi mazanga àndhana muthegani.” (Ahebreu 11:24-26) Ndoweni natagihe alobwana na ayana aba aana nroromelo vina nitamaalele ofuru wehu w’osakula onimuhagalaliha Mulugu.
11. (a) Mareliho gani andana ofuro wosakula? (b) Txini enukosiha olabihedha na oderetu ofuru wawo wosakula?
11 Txino podi okala ninga elobo yohirutxa muttu muttuvi onikosela dhosakula, mbwenye ejoya podi oniyeleliha mareliho menjene. Sabwaya jivi? Bibilia onowakula va Olibiha 30:19, 20. (Kengesa.) Va versu 19, vanloga wi Mulugu wahattiya ana Izrayel okosa yosakula yawa. Va versu 20 vanloga wi Yehova wahavaha gari y’olagiha omukwela wawa. Iyo vina podi osakula omwebedha Yehova. Vina nikaana gari ya olabihedha ofuru wehu w’osakula wi nimurihena Yehova vina olagiha wi ninomukwela!
NILABIHEDHE DERETU OFURU WOSAKULA
12. Txini enrabelihu okosa na ofuru wehu wosakula?
12 Kobuwela kowiliwa onvaha mukwawo elobo yaderetu vaddiddi. Ogewilemo dhavi koziwa wila orahilela vazunguni eloboya obe olabihedhi wila amutabutxena muttu mwina? Ejo egahupa vaddiddi. Yehova onivaha ofuru w’osakula. Mwadhahene iyene onowona opa agawonaga attu akosaga dhilobo dhabure obe olabihedha ofuruya wi asakule dhilobo dhinatabutxa attu eena. Bibilia onologa wila “masaka omariha,” attu “kanaziwege otamalela.” (2 Timóteo 3:1, 2) Kito ninalagihe dhavi wila ninotamaalela nvaho obu, ofuru wosakula onivahile Yehova? Obe ninarabele dhavi olabihedha na obure?
13. Nirabele dhavi olabihedha mwabure ofuru wehu wosakula?
13 Iyo notene nikaana gari ya wasakula attu anfunihu omagana mandano, mwabalelo 1 Pedro 2:16.) Ottiya wila nilabihedhe ofuru obo wi nikose dhilobo dhabure, ninofanyeela olabihedha wi nikose dhilobo dha “omuthithimihana Mulugu.”—1 Korinto 10:31; Galásia 5:13.
obe mavego. Masiki dhawene, txino iyo podi olabihedha gariya wi nisakule dhilobo dhinimutakalela Mulugu, obe watagihana attu ahinimwebedha Mulugu. (Kengesa14. Ninfanyeelela eni omukuluvela Yehova nigalabihedhaga ofuru wehu wosakula?
14 Yehova ologa: “Miyo ddili [Yehova] Mulugu wawo, onuvaha magano ankaliha, onuvelela mudila dhinfwanyela weyo ovira.” (Izaiya 48:17) Ninofuna omukuluvela Yehova vina orumeela maddile emetxiliye, makamaka nigakosa dhosakula dhaderetu. Na oviyeviha ninofanyeela orumeela wila “muthu kaiye mwinya w’okalawo waye. Kanwodha opima yeka tharho dhaye.” (Jeremiya 10:23) Adamu, na ana Izrayel n’ovuruvuru asakulile olupa maddile a Yehova nanda ovikuluvelaga anyanyavi. Ndoweni nitanaalele ejile ennisunziha yotagiha eji yabure. Ottiya ovikuluvela nanya, ninofanyeela ‘omuroromela Yehova na murima wehu wotene.’—Gano 3:5.
ORIHA YOSAKULA YA ATTU EENA
15. Gano dhili va Galásia 6:5 dhinnisunziha eni?
15 Ninofanyeela oriha dhosakula dha attu eena dhinkosani mwigumini mwawa. Sabwaya? Okana ofuru wosakula, kintapulela wila ninakaanege dhubuwelo dhakakene. Eji entaganyiheya na dhosakula dha mukalelo wa mweddelo Galásia 6:5. (Kengesa.) Niganonelamo wila mukristu oli wotene ddi mwinya wa dhosakula dhaye ninele oriha dhosakula dha kadda muttu vina ofuru waye wosakula.
vina mebedhelo. Kobuwela magano anfanyeya vaIyo podi okosa dhosakula dhehu mbwenye kanadidile attu eena wila akose dhosakula dhakakene (Koona ddima 15)
16, 17. (a) Ofuru wosakula watotile dhavi makani o Korinto? (b) Paulo wakamihedhile dhavi abali, nanda ninsunzavo eni?
16 Ndoweni nitanaalele yotagiha ya Bibilia entonyihedha wila oriha dhosakula dh’attu eena kwa makamaka. Akristu a mulogo wo’Korinto anwana sabwa ya oja nama dhakutteliwa amulugu osemiwa, nanda badhidhowiwana ogulihiwa vamusika. Akristu eena anja namaya sabwani anziwa wila mulugu wosemiwa kahiyo elobwene. Mbwenye abale awebedhile amuluguya abo, obuwela wila oja namaya yatapulela omwebedha mulugu wakene. (1 Korinto 8:4, 7) Aba ali makattamiho manddimuwa, sabwani musogorhomwa agahigawa mulogo. Paulo wakamihedhi dhavi Akristu aba ogomiha makaniya aba?
17 Voroma Paulo wahawubutxedha wila yoja kigalibihile mandano awa na Mulugu. (1 Korinto 8:8) Musogorhomwa wahakokomeza wila kattiye wi ‘ofuru wawa wosakula’ wapattege attu eena. (1 Korinto 8:9) Nomala wahawaddela abale ana etanaalelo eng’onovi wila katamele wasumulula abale obuwela wila kavali makani muttu agaja. (1 Korinto 10:25, 29, 30) Mwa dhahene, mwari mwa makani a webedha Mukristu oli wotene onofanyeela okosa yosakula yaye. Noona kigali yaderetu oriha ofuru wosakula wa abali, masiki mwari mwa makani mang’onovi?—1 Korinto 10:32, 33.
18. Onalagihe dhavi wila onoriha ofuru wawo wosakula?
18 Yehova onivaha ofuru wosakula obuwene onnivaha osanzaya. (2 Korinto 3:17) Ninoriha nvaho obu sabwani ononikamihedha okosa dhosakula dhinlagiha wila ninomukwela Yehova. Noona nidhowevi nikosaga dhosakula dhinimuttittimiha Mulugu, vina nirihe ofuru wosakula wa attu eena wi alabihedhe mowakwana nvaho obu wamakamaka.