Mwabalelo Wawo Onomuttittimiha Mulugu?
“Tamelaní omuthithimihana Mulugu.”—1 KORINTO 10:31.
JIBO: 34, 29
1, 2. Anamoona a Yehova akanelini malamulo anloga dha mwabalelo? (Koona foto eli omaromo.)
JORNAL na Holanda nihiloga mwabalelo wabalile asogorheli a marelijiau vamutugumanoni vawa. Nilogile: ‘Vahoneya mwabalelo wottiyana.’ Jornal nakakene, nihiloga wila vahikala ottiyana wa mwabalelo wa Anamoona a Yehova agadhowaga omatugumanoni awa. Nihiloga wila alobwana anabala kasako na garavata, ayana anabala saya dholapa vina dhofanyeelela. Anamoona a Yehova anosibiwaga sabwa ya mwabalelo wawa. Murumiwi Paulo ologa wila Mukristu “abálege mofwanyelela, ahitamelaga opithiha” alagihaga wila mwimeleli wa Mulugu. (1 Timóteo 2:9, 10) Masiki Paulo valogiye ayana, mazu aba anowapatta vina alobwana ali Akristu.
2 Mwabalelo waderetu elobo yaderetu wa iyo ninga emeleli a Mulugu, nanda onomuttittimiha Mulugu onimwebedha Wita 3:21) Bibilia onologa wila Yehova Muttanddi wa elabo, ohimetxa nlamulo na mwabalelo wa emeleli aye. Noona mwabalelo wehu wa guwo kukale onnizivela nanya bahi, mbwenye omuhagalalihege Yehova Mulugu wehu.
iyo. (3. Nlamulo na Mulugu ninloga dha mwabalelo ninnisunziha eni?
3 Nlamulo na Mizé nanabarela ana Izrayel otagiha mwabalelo wonyakuwa wa anamwanddamani awa. Nlamulona ninolagihavi wi Yehova onowidda mwabalelo ohinimuttiyaniha muyana na mulobwana. Masaka abano mwabalelo ohinimuttiyaniha mulobwana na muyana ontxemerhiwa moda unissex. (Kengesa Olibiha 22:5.) Odheela Nlamulo ntti ninowoona wila Yehova txipo kanziveliwa na mwabalelo ohinimuttiyaniha mulobwana na muyana.
4. Txini enamukamihedhe Mukristu okosa yosakula yapama na mwabalelo waye?
4 Magano a Bibilia anonikamihedha okosa yosakula yapama ya guwo dhowabala. Iyo ninofara nlamulo ntti muneddehu motene. Kili yofuneya okaana nlebo ninlagiha wi wabele eji, eji kuwabale. Yamakamakaya ja ofarihedha malago a Bibilia abuwene annilagiha guwo dhinfanyeelihu wabala. Ndoweni noone malago a Bibilia annikamihedha woona ‘eli yapama, enimuzivela Mulugu, eli yawakwana’ makamaka nigafunaga osakula mwabalelo wapama.—Roma 12:1, 2.
“NINOKOKOMEZIWA NINGA EMELELI A MULUGU”
5, 6. Mwabalelo wawo onapatta dhavi attu eena?
5 Murumiwi Paulo wahivudheleliwa oleba magano aba va 2 Korinto 6:4. (Kengesa.) Mwabalelo wehu onovaha onamoona wa ejile elihu, vina onotonya enubuwela iyo. (1 Samuwel 16:7) Vowi nili emeleli a Mulugu, jamakamaka okaana mwabalelo wapama vina wozivela. Ottiddihedha mabasa malago a Bibilia ononikamihedha orabela mwabalelo wabure. Eji entapulela orabela wabala guwo dhawoneela obe dhintota manyazo. Mwabalelo wehu kukale wovenyiha efunelo ya attu ena wi anang’ane obe anirebette.
Nigakala oyesa vina osasanyedheya obe guwo dhehu dhigakala dhaderetu attu anelege onttittimiha ninga emeleli a Yehova Mulugu woyesa
6 Nigakaana jibanti yowabala guwo dhaderetu vina dhofuleya, attu enjene anele oniriha vina onittittimiha ninga emeleli a Yehova Muttanddi. Ejo enele wakosiha attu enjene oziveliwaga na
Mulugu onimwebedha iyo, oziveliwaga vina na nlelo ninvaha nlogo na Yehova, vina ofunaga wiwa miselu dhapama dhinvuna dhigumi.7, 8. Mudhidhi gani onfanyeelihu wabala guwo dhosasanyedheya?
7 Mwabalelo wehu onomuttittimiha Mulugu, abali na attu a mmuruddani mwehu, vina onovaha ttima miselu dhinlaleya iyo. (Roma 13:8-10) Mwabalelo wapama bwamakamaka ttabwa-ttabwa nigadhowaga omatugumanoni ehu obe mmabasani a olaleya. Ninofanyeela okaana mwabalelo waderetu ninga attu animwebedha Mulugu. (1 Timóteo 2:10) Txibarene, guwo dhiina dhinorumeeliwa mbwenye ejo eniwanana na mburoya. Noona, ninga Anamoona a Yehova, nirabele wanyimula attu na mwabalelo wehu.
Koddi mwabalelo wawo onowakosiha attu eena omuttittimiha Mulugu onimwimelela weyo? (Koona ddima 7, 8)
8 Kengesa 1 Korinto 10:31. Nigadhowaga omatugumanoni a murudda obe a ttattamwa, guwo dhehu dhikale dhofanyeela vina dhosasanyedheya. Kanitagihe mwabalelo wabure wa elabo ejino. Masiki matugumanoya agamala obe nigakala vatakulu, kanabalege na mukalelo wovipwaza obe wottabwetxa. Nigakosa ejuwene mohigoneela ninele ovilagiha wi nili Anamoona a Yehova vina ninele okala omala nawale wi nivahe onamoona mudhidhi wotene.
9, 10. Filipi 2:4 ompattela eni mwabalelo wehu?
9 Kengesa Filipi 2:4. Ninfanyeelela eni otanalela wi mwabalelo wehu onowapatta abali ehu? Makaniya bawila attu a nlogo na Mulugu anokosa kukuttu wi afare malago anloga: “Paní makalelo enyu otene, alí vimanya dha mwilaboni: ojeberuwa, oraruwa, vidhivi-dhivi, monlelo abure.” (Kolosi 3:2, 5) Abali eena na arogora ahivolowela mweddelo wa okosa mararuwo, noona, enaya anowanavi na dhubuwelo dhabure obe dhinawobaniha. Nigahikale txenjewa na mwabalelo wehu, txino awene vina kanawodhe wogolela dhifunelo dhawa na magano a Bibilia a owana wi apemberhe. (1 Korinto 6:9, 10) Koddi nigahiziveliwa okosa elobo enarutxiha opemberha makattamiho awa?
10 Nigakala na abalihu, nili vari va attu anidda dhifunelo dhintota ojeberuwa. Masiki akala ninowaredha obe nili omatugumanoni, mwabalelo wehu olagihe wila nili attu oyesa vina otxena. Masiki niziwaga wila nihikaana ofuru wosakula enfunihu wabala, nihikaana vina muttorho wa wabala guwo dhinattiya abali okaana mubuwelo wofanyeelela vina wotxena vamentoni va Mulugu. (1 Pedro 1:15, 16) Onkwela “onoariha akwaye, kankumbela vaye.”—1 Korinto 13:4, 5.
MWABALLELO ONRIYELA, MUDHIDHI NA MBUROYA
11, 12. Kohelét 3:1, 17 onnikamihedha dhavi wi nikale ovyang’anela?
11 Adhari a Mulugu agasakulaga enfunani wabala, aziwege wila ‘dhetene dhikaana mudhidhiya.’ (Kohelét 3:1, 17) Ottiyana wa masaka, mimburo, ekalelo ya egumi obe makattamiho meena txino anopatta mwabalelo wehu. Masiki dhawene magano a Yehova na mwabalelo wehu bakakene.—Malakiya 3:6.
Magano a Yehova na mwabalelo wehu bakakene
12 Masaka oviha enorutxa woona akala guwo yabalile iyo japama obe jofanyeelela. Abali ehu anele otamaalela iyo nigabala guwo dhihinlagiha maningo. (Job 31:1) Akala ninohaba mbara mwabalelo wehu okale woriheya. (Gano 11:2, 20) Masiki akala attu enjene a mwilaboni anowabala dhilobo dhawa, kanasaze nikaane ebaribari wila mwabalelo wehu onomuttittimiha Mulugu wehu Yehova oli wotxena.
13. Malago alebiwe va 1 Korinto 10:32, 33 ampatta dhavi mukalelo onsakula iyo guwo?
13 Ahikalawo magano meena anfanyeelihu 1 Korinto 10:32, 33.) Obo muttorho wehu, orabela osakula guwo dhigasilidhile abali obe abale ahinimwebedha Yehova. Murumiwi Paulo oleba: “Muthu-muthu wehu atamele wira enimuzivela mukwaye, wi amunuwihena muroromelani.” Paulo ohenjedhedha eraga: “Kristu katamelile wira yamuzivela mwinya.” (Roma 15:2, 3) Ninga Yezu, nonege enimuzivela Mulugu vamodha na attu eena okala elobo yaderetu ottiya ofunetxa dhinnizivela nanya. Txibarene, ndoweni nitamele osakula mwabalelo onazivela attu eena vina onakamihedha attu enjene wiwa miselu dhapama.
otanaalela nigasakulaga guwo. Ninofanyeela okalela txenjewa wi ninatakalihe etanaalelo ya abali ehu. (Kengesa14. Amambali anawodhe dhavi wasunziha anawa omuttittimiha Mulugu na mwabalelo wawa?
14 Amambali ali Akristu anofanyeela wasunziha anawa ofara magano a Bibilia. Ejo entapulela wila mwabalelo, na ovisasanyedha wawa vamodha na anawa omuhagalihege Mulugu. (Gano 22:6; 27:11) Amambali anawodhe dhavi wasunziha anawa omuttittimiha Mulugu na malamulo aye? Amambali akale tagiha ya anawa. Anofanyeela wasunziha anawa nokwela masakulelo a guwo dhapama. Aima kasakule guwo sabwa ya wazivela, yaderetuya ja wabala na mukalelo onimuhagalaliha Mulugu onimulabani.
OLABIHEDHE OFURU WAWO WOSAKULA NA EZIWELO
15. Txini enanikamihedhe okosa dhosakula dhaderetu?
15 Bibilia ohikaana malago apama anwodha onikamihedha okosa dhosakula dhaderetu vina dhinimuttittimiha Mulugu. Masiki dhawene mwabalelo wehu onolagiha ejile ennizivela. Guwo dhingula iyo txino dhinottiyana na esile dhinziveliwana attu eena. Masiki dhawene guwo dhehu dhikale dhapama, dh’oyesa, dhofanyeela vina dhorumeeleya mowiwanana na mudhidhiya obe mburoya.
16. Ekaleli eni yamakamaka okosa kukuttu wi mwabalelo wehu okale wofanyeela?
16 Mudhidhi mwina enorutxa ofanya guwo dhapama vina dhofanyeelela. Maloja menjene anoguliha guwo dhiniwanana na esile dhinazivela attu a mwilaboni. Noona wi nifanye saya, vestidu, mabuluza obe osakula makalsa ahinlagiha maningo enorutxa. Mbwenye abali ehu anela otamaalela vaddiddi guru enkosa iyo ya osakula guwo dhapama. Ninohagalala oziwa wila ninomuttittimiha vopitta Babi wehu wokwela sabwa ya osakula mwabalelo onimuriha.
17. Txini empadduwa akala mbali onofuwa nddevu?
17 Enokala abali wunuwiha nddevu? Malamulo a Mizé aloga wila alobwana anfanyeela wunuwiha nddevu. Ovanene Akristu kali mutxiddo mwa Malamulo a Mizé vina kuli nikokomezo na wunuwiha nddevu. (Onamakutha 19:27; 21:5; Galásia 3:24, 25) Mu dhilabo dhiina na dhilemelelo dhawa, enorumeeliwa okaana nddevu dhosasanyedheya, ejo kinakosiha attu okodda wiwa miselu dhapama dhinlaleya iyo. Txibarene abali ena anofuwa nddevu. Masiki dhawene abali enjene anosakula ogwadda nddevu dhawa. (1 Korinto 8:9, 13; 10:32) Dhilabo dhina sabwa yawila kahiyo elemelelo, kinrumeeliwa abali ottiya nddevu. Txibarene ofuwa nddevo kunimuttittimiha Mulugu, vina mbali onkosa dhawene onodha ‘osumuleliwa.’—1 Timóteo 3:2, 7; Roma 15:1-3.
18, 19. Mikeya 6:8 onnikamihedha dhavi?
18 Ninomutamaalela vopitta Yehova sabwa yawila kanivahile muddonddonddo wa dhilobo obe guwo dhinrumeela iyene. Ottiya ejuwene iyene onivaha ofuru wosakula enfunihu wabala mowiwanana na magano a Bibilia. Mwa dhahene, masiki akala ninosakula guwo obe ekoddelelo yehu, nilagihe wila ninfuna nikale oyesa ninga emeleli a Mulugu.—Mikeya 6:8.
19 Na oderetu ninorumeela wila Yehova ddi Mulugu woyesa vina wotxena nanda malamulo aye bamakamaka mwa iyo. Akala ninofuna okala oyesa vina oviyeviha, nivirihegemo magano aye mwigumini mwehu. Oderetu na oyesa onele onikamihedha oriha dhubuwelo dha attu eena.
20. Mwabalelo na oyesa wawo onapatta dhavi attu eena?
20 Mwabalelo wehu olagihe wila iyo txibarene ninomulaba Yehova. Yehova okaana magano aderetu nanda iyo ninolabihedha n’ohagalala. Abali ehu vamodha na arogora anosibiwagana oderetu wa mwabalelo vina mweddelo wawa, onakosiha attu enjene orumeela miselu dha Bibilia dhinvuna dhigumi vina dhinimuttittimiha Yehova. Nigasakula deretu mwabalelo wehu, ninele odhowavi banigamuttittimiha Ole wabalile “txeza na nthithimiho.”—Masal 104:1, 2.