NSUNZO 51
Weyo Onomuziwa Yehova Mowakwana-Mwene?
“Nabuya, anuziwani anouroromelani, vowi kamunapwaza anutamelani.” —MASAL. 9:11.
JIBO 34 Nikalewo Mowiwanana na Nzina Nehu
DHINASUNZE IYO *
1-2. Dhahene ninga yotagiha ya Angelito, txini enfwanyela okosa muttu-muttu wa iyo?
AMAMBALI awo Anamoona a Yehova? Akala pumwenemo, kobuwela wi okana mandano na Mulugu kahiyo elobo yottiyedhiwa na amambali. Kintanaala akala amambali ehu anomulabela Mulugu obe nne, muttu-muttu wa iyo onofwanyela wunuwiha mandano aye na Yehova.
2 Katanalela yotagiha ya mbali oniliwa Angelito. Amudhaye otene aali Anamoona a Yehova. Mbwenye valiye mpali, iyene kanna mandano ofiyedheya na Mulugu. Iyene ohiloga: “Miyo ddamulabela Yehova sabwani ddafuna ddikose esile dhakosa amudhaga.” Mbwenye, Angelito wahigana wengesa na otanalela Mazu a Mulugu mudhidhi wotene vina wahiroma olobela dila dhotene. Yodhelavoya? Angelito ologa: “Ddahona wi mukalelo mmodha wa onfiyedha Babi wokweleya, Yehova, bwa omuziwa ddamwinyene.” Yotagiha ya Angelito enonittukulela okosa mavuzo aba: Ottiyana gani oliwo wa oziwa dhilobo dhing’onovi mwaha wa Yehova na omuziwa mowakwana-mwene? Nanda txini enakosihu wi nimuziwe Yehova mowakwana-mwene?
3. Ottiyana gani oliwo wa oziwa dhilobo dhing’onovi mwaha wa Yehova na omuziwa mowakwana-mwene?
3 Txino ninubuwela wi ninomuziwa Yehova sabwa ya oziwa nzina naye obe sabwa ya oziwa dhilobo dhing’onovi dhilogiliye obe dhikosiliye. Jijuwene, mbwenye kintapulela wi ninomuziwa
Yehova mowakwana-mwene. Iyo ninofanyela otamela mudhidhi wi nisunze mwaha wa Yehova vina mikalelo dhaye dhotikiniha. Nigamala, nirome ononelamo txini enimuttukulela ologa vina okosa dhilobodha. Eji enele onikamihedha oziwa akala iyene onoziveliwa na dhubuwelo dhehu, dhogana vina dhokosa dhehu. Nigaziwa txini ennifunana Yehova, ninele okosa dhilobo dhiniwiwanana na esile dhisunzilihu.4. Osunza dhotagiha dha mBibiliani dhinanikamihedhe dhavi?
4 Txino attu ena anele onibedda sabwa ya ofuna omulabela Yehova, vina anele onitxiga sabwa ya oroma odhawo omatugumanoni. Mbwenye nigamukuluvela Yehova, iyene txipo kananittiye. Nikuluvelo ntti ninakale nifunddo na omagana mandano oliba na Mulugu mwigumini mwehu. Enowodheya omuziwa Yehova mowakwana-mwene? Ndde, enowodheya! Dhotagiha dha alobwana ohakwana, ninga Mizé vina Mwene David, dhinolagiha wi enowodheya. Nigasunza merelo awa, ninele wakula mavuzo aba: Awene adhile dhavi omuziwa Yehova? Txini enasunzehu na dhotagiha dhawa?
MIZÉ WANNIMONA “OLE OHINONEYA”
5. Yosakula gani yakosile Mizé?
5 Mizé wahisakula omulabela Mulugu. Mwakanihiliye vyaka 40, Mizé wahisakula ovitaganyiha na nlogo na Mulugu, ana Izrayel, ottiya oziwiwa ninga “mwana wa mwanamuyana wa Faraó.” (Aheb. 11:24) Mizé wahittiya gari yokaana ettomo ya makamamaka. Modhela wakamihedha ana Izrayel ali adhari, Mwijipitu, iyene wanziwa wi agahitatamula owali wa Faraó wali mulamuleli wawopiha woniwa ninga mulugu. Eji enoniha wi Mizé wahikana nroromelo noliba! Mizé wannimukuluvela Yehova. Nikuluvelo ntti nali nifunddo nalibihile mandano aye na Yehova egumi yaye yotene.—Gano 3:5.
6. Ninsunzavo eni na yotagiha ya Mizé?
6 Ninsunzavo eni? Iyo notene ninofwanyela okosa yosakula, dhahene ninga Mizé; Ninele osakula omulabela Mulugu vina ovitaganyiha na nlogo naye? Txino enofuneya okosa guru wila nimulabele Mulugu, sabwani attu ahinimuziwa Yehova anotamela onifara-fwara. Mbwenye nigamukuluvela Babihu wa wirimu, iyene onele onikamihedha!
7-8. Mizé wadhowavi asunzaga eni?
7 Mizé wandowavi asunzaga mikalelo dha Yehova vina akosaga efunelo yaye. Motagiha, valogile Yehova wi Mizé agahikala musogorheli wa nlogo na Izrayel wila afurule Mwijipitu, iyene wahova vina dila dhinjene wahimwaddela Yehova wi kagawodhile. Mbwenye Mulugu wahimweddiha na supaje, vina wahimukamihedha. (Obud. 4:10-16) Yodhelavoya jawi, Mizé wahiwodha omwaddela Faraó miselu dhovadda dha ottonga wa Mulugu. Mizé wahoona wi Yehova wela olabihedha guru Dhaye mwa wavuna ana Izrayel modhela omutolotxa Faraó na anyakoddo aye mu Nyaza Yofila.—Obud. 14:26-31; Masal. 136:15.
8 Mmaleli Mizé wafurula ana Izrayel Mwijipitu, awene akalela ologavi marabwa. Masiki dhawene, Mizé wahoona ovilela onddimuwa wa Yehova na nlogo nafuruliye mudharini. (Masal. 78:40-43) Vina Mizé wahoona oviyeviha onddimuwa wa Yehova vamukumbiriliye wi anatolotxe ana Izrayel.—Obud. 32:9-14.
9. Mowiwanana na Ahebreu 11:27, mandano a Mizé na Yehova ali dhavi?
Ahebreu 11:27.) Onihaga mukalelo wandanilani, Bibilia onologa: “Nabuya wanloga na Mizé kove na kove, ninga muthu onloga na mukwaye.”—Obud. 33:11.
9 Mmalelani obudduwa Mwijipitu, Mizé wahikaana mandano ofiyedheya na Yehova nona yakala ninga Mizé wamoona Babi waye wa wirimu. (Kengesa10. Wila nimuziwe Yehova mowakwana-mwene, txini enfwanyelihu okosa?
10 Ninsunzavo eni? Wila nimuziwe Yehova mowakwana-mwene, jofuneya osunzagavi mikalelo dhaye vina okosaga efunelo yaye. Efunelo ya Yehova masaka abano jawi “etene avuneye, afiyedhe oziwa ebaribari.” (1 Tim. 2:3, 4) Mukalelo mmodha wa okosa efunelo ya Mulugu bwa wasunziha attu ena mwaha wa Yehova.
11. Ninlogela nni wi nigaasunzihaga attu ena mwaha wa Yehova ninomuziwa pama?
11 Nigaasunzihaga attu ena mwaha wa Yehova, iyo vina ninomuziwa pama. Motagiha, ninowona supaje ya Yehova modhela onikamihedha wafwanya attu abale anna murima wofewa. (Jo. 6:44; Mer. 13:48) Ninowona guru ya Mazu a Mulugu esapwaga mmirimani mwa anamasunza a Bibilia vina afuruliwaga na dhilemelelo dhabure nanda attukulaga omuttu oswa. (Kol. 3:9, 10) Vina ninowona ovilela wa Mulugu modhela wavaha gari attu enjene a mmuruddani mwehu osunza ebaribari yaye wila avuneye.—Rom. 10:13-15.
12. Ninga muntonyihedha Obudduwa 33:13, txini yakumbirhile Mizé, nanda sabwaya jani?
12 Mizé kobuwela wi mandano aye na Yehova ahakwana. Masiki mmaleliye wira mabasa otikiniha na nzina na Mulugu, Mizé wahimukumbirha Yehova wi amukamihedhe omuziwa pama. (Kengesa Obudduwa 33:13.) Mizé wana vyaka 80 vakosiliye nlobelo ntti, mbwenye iyene wanziwa wi wanfwanyela osunza vaddiddi mwaha wa okwela wa Babi waye wa wirimu.
13. Mukalelo mmodha onalagihe iyo wi ninovaha ttima mandano ehu na Mulugu buvi?
13 Ninsunzavo eni? Kintanaala mudhidhi olihu mwibaribarini, nona kanubuwele wi mandano ehu na iyene ahakwana. Mukalelo mmodha onalagihe iyo wi ninovaha ttima mandano ehu na Mulugu bwa ologa na iyene munlobeloni.
14. Nlobelo ekalele nni elobo yamakamaka ennikamihedha osunzavi mwaha wa Mulugu?
14 Wila okaane mandano oliba na muttu mwina, enofuneya ologaga na muttuya dila dhotene. Wi okaane mandano ofiyedheya na Mulugu, onofwanyela olobelaga dila dhotene, vina omwaddelege dhubuwelo dhawo. (Ef. 6:18) Murogora Krista, onkala o Turquia, ologa: “Dila dhotene ddinlogimi na Yehova mwaha wa dhubuwelo dhaga, iyene onoddikamihedha, omukuluvela vina omukwela waga onowunuwa. Wona mukalelo onakula Yehova malobelo aga enoddikamihedha omoona ninga Babaga vina Mukwaga.”
MULUBWANA WAGALALIHILE MURIMA WA YEHOVA
15. Txini elogile Yehova mwaha wa Mwene David?
15 Mwene David wabaaliwe vari va nlogo namwebedha Yehova Mulugu. Masiki vabaliwiye vari va nlogo namwebedha Yehova, David kamulabela Yehova sabwa ya watagiha. Iyene wahunuwiha mandano aye na Mulugu, vina Yehova wannimukwela vaddiddi. Sabwa ya omwagalaliha, Yehova wahiloga wi Mer. 13:22) David owodhile dhavi okala wofiyedheya na Yehova?
David “muthu wa murima waga.” (16. Txini yasunzile David sabwa ya wang’ana dhottandda dha Yehova?
16 David wahisunza mwaha wa dhottandda dha Yehova. David bali muzombwe, wankala mudhidhi menjene vatamuni ang’anelaga mabila a babe. Txino bu mudhidhene obule, waromileyi otanalela dhottandda dha Yehova. Motagiha, na mattiyu vang’aniye odhulu, David wannonawo dhilobo dhina ottiya winjiva wa vineneri bahi. Iyene wantanalela mikalelo dha muttuya wattanddile. Ofiyedha David oleba: “Erimu enolaleya nthithimiho na Mulugu, nthabo ninovuwiha mabasa a madaye.” (Masal. 19:1, 2) Vatanaalela David mukalelo wotikiniha ottanddiwe attu, iyene wahoona wi eziwelo yotene ya Yehova jozumeya. (Masal. 139:14) Moona David mabasa otene akosile Yehova, wannonelamo wi iyene wali ninga mwana agaviladdaniha na Yehova.—Masal. 139:6.
17. Ninsunzavo eni nigatanaalelaga dhottanddiwa?
17 Ninsunzavo eni? Ja pama ozuzumela dhottanddiwa. Katamela mudhidhi wi osunze dhottanddiwa dhili mwilaboni yokoddela esasanyiwe na Yehova, vina otanaalelege pama! Siku na siku, otanaalelege mukalelo onasunziwe omukwela Yehova na dhottanddiwa ninga—miri, dhinama, vina attu. Dhahene siku-siku onelege osunza dhilobo dhinji sabwa ya Babihu wokweleya. (Rom. 1:20) Onele woona wi omukwela wawo onelege wunuwa siku na siku.
18. Mowiwanana na Masalmo 18, txini yanonelimo David?
18 David wahinonelamo wi Yehova wanimukamihedha. Motagiha, David bali muddabo wahibarela mabila a babe modhela owana na poddogoma vina nikurukumwa, iyene wahinonelamo wi wawodhile opa dhinama esile dhawopiha sabwa ya nikamihedho na Yehova. David vampiliye mukango Goliya, iyene wahoona wila Yehova wannimusogorhela. (1 Sam. 17:37) Vamuthawiye Mwene Saul wamukalela aje, David wahiziwa wi ddi Yehova wanvunile. (Musorho wa Masal. 18, Tradução do Novo Mundo) David kokala muttu wovittukulela agahivigwarula sabwa ya opemberha oku. Mbwenye David wali muttu woviyeviha, nona wahinonelamo wi ddi Yehova wamukamihedha mwigumini mwaye.—Masal. 138:6.
19. Txini enasunzihu na yotagiha ya David?
19 Ninsunzavo eni? Kanikalelege okumbirhavi nikamihedho na Yehova bahi. Ninofwanyela ononelamo mudhidhi vina mukalelo onnivahiye nikamihedho. Nigakala oviyeviha ninele ononelamo vangomela guru dhehu, vina ninele wona wi Yehova ononikamihedha okosa dhilobo dhiganirutxile na guru dhehu. Nigoona wi Yehova ononikamihedha, ninolibiha mandano ehu na iyene. Mbali Isaac, onkala o Fiji, onimulabela Yehova mwari mwa vyaka dhinjene, ohona wi eji ebaribari. Iyene ologa: “Ddigobuwela dhiddipadduwele, ddinowodha wona mukalelo oddikamihedhile Yehova oromana nsaka namusunzemi Bibilia mpaka ovanene. Ddisunza wi, Yehova ddwebaribari mwigumini mwaga.”
20. Ninasunze eni na mandano anna David na Mulugu?
20 David wahisanza mikalelo dha Yehova. Yehova onipaddutxile na ewodhelo ya osanza mikalelo dhaye. (Wita 1:26) Nigasunzagavi mikalelo dha Yehova, ninele owodha omusanza pama. David wanimuziwa mowakwana-mwene Babi waye wa wirimu, nona agakaana makattamiho na attu ena iyene wannimutagiha. Koona yotagiha modha. David ahimuttegela Yehova modhela omurarutxa Betsabé vina olamula wi mamunaye apiwe. (2 Sam. 11:1-4, 15) Mbwenye Yehova wahigana omutonyihedha ttagaraga, sabwani David wanatonyihedha attu ena ttagaraga. Sabwa ya David okana mandano apama na Yehova, iyene wali mwene wakweliwa na ana Izrayel vina Yehova wahimulabihedha ninga yotagiha ya amwene ena.—1 Amwe. 15:11; 2 Amwe. 14:1-3.
21. Mowiwanana na Éfeso 4:24 vina 5:1, yodhelavoya jivi ya ottukula “mweddelo wa Mulugu”?
21 Ninsunzavo eni? Ninofwanyela ottukula “mweddelo wa Mulugu.” Ottiya opurelamovi nanya, ejo enonikamihedha omuziwa mowakwana-mwene. Nigasanza mikalelo dha Mulugu, ninele woniha wi nili anaye.—Kengesa Éfeso 4:24; 5:1.
KATAMELA OMUZIWA YEHOVA MOWAKWANA-MWENE
22-23. Txini enapadduwe nigavirihagamo esile dhinsunzihu mwaha wa Yehova?
22 Dhahene ninga moonelihu, Yehova ononisunziha mikalelo dhaye modhela dhottanddiwa vina Nzu naye, Bibilia. Mbibiliani mukala dhotagiha dhinji dha adhari ororomeleya a Mulugu dhinfwanyeelihu osanza, ninga Mizé vina David. Yehova ohimala okosa mpaddi waye. Nifugule mento, mayaru, vina murima wehu wi nisunze sabwa ya Yehova mowakwana-mwene.
23 Iyo txipo kaninattiye osunza mwaha wa Yehova. (Koh. 3:11) Yamakamakaya wa iyo kahiyo mukalelo onsunzihu mwaha wa iyene, mbwenye txini enkosihu na esile dhinsunzihu. Nigavirihamo esile dhinsunzihu vina nigamutagiha Babihu wokweleya, iyene onelege onisusela. (Tia. 4:8) Bibilia ononikuluveliha wi iyene txipo kananittiye nigavilibihedha omuziwa mowakwana-mwene.
JIBO 1 “Mikalelo Dha Yehova”
^ par. 5 Attu enjene anorumeela wi Mulugu okalawo, mbwenye kanimuziwa mowakwana-mwene. Txini entapulela omuziwa Yehova, nanda dhotagiha dha Mizé na Mwene David dhinnisunziha eni mwaha wa okana mandano oliba na Mulugu? Mutoma obu onele wakula mavuzo aba.