SIKA Txittattu na membesi labo na 24 mweri wa Janero, 2018 abali o’Betel a elabo ya Estados Unidos vamodha na Canadá ehisanzaya vaddiddi na muselu wavuwihedhiwani: Mbali Kenneth Cook, Jr., ddabuno onokosa mpaddi wa Nikuru N’olamulela na Anamoona a Yehova.

Mbali Cook obaliwe vina oleliwe sere-sere-y’omadhulu wa Pensilvânia U.S.A. Iyene osunzile ebaribari na mukwaye woskola; obatiziwe labo na 7 mweri wa Junyu, 1980. Oromile olaba mabasa opionero labo na 1, mweri wa Setemburu, 1982. Mmaleliye olaba ninga pionero mwari mwa vyaka bili, ohikumbirhiwa wi alabe o’Betel; y’o Wallkill, Nova York, labo na 12 mweri wa Otuburu, 1984.

Mvirele vyaka 25, Mbali Cook ohikamihedha mabasa ottiyana-ttiyana mparha W’opida, na mabasa meena a Mukambirhinyani. Iyene otelile yaka ya 1996, baroma olaba vamodha na mwadhiye mabasa o’Betel y’o Wallkill. Mweri wa Dezemburu 2009, Mbali vamodha na Murogora Cook ahikuweleliwa o Paterson, Nova York; baroma okamihedha mabasa a mpaddi wa Niparha Nehu Ningawela Masunziho Elabo Yotene. Mbali Cook wattomeliwe olaba mpaddi wa Mparha wa Mabasa a Majangarha. Mweri wa Abrili 2016, mmalelani wiyelela o Wallkill, alabilewo mudhidhi mung’onovi. Mvirele myeri mitanu, awene ahikuweliwa olaba o Katti Eswa ya Anamoona a Yehova a dhilabo dhotene o Warwick, Nova York. Mweri wa Janero yaka ya 2017 Mbali Cook ohittomiwa wi akamihedhe mabasa a Gatta Enang’anela Yoja Yomuyani empaka nikuru N’olamulela.