Iyo ninomwebedha Yehova nigakala mumodhani mmatugumanoni a mmulogoni, a murudda vina a Kongeresu ottiya ejo ninomwebedha vina nigakala noka obe na amudhehu. Mwari mwa monelo dhinfwarela katanalela dhigaziveliwiwe olabihedha munsunzoni nawo nomwinya vina va webedhani wa ntakulu:

• Kasasanyedha matugumano a mmulogoni. Enowodheya osunza wiba jibodha deretu vina wakamihedha otene a vamuralani vawo osasanyedha dhowakula dhawa.

• Wengese mapadduwo a mBibiliani. Ogamala, otanalele enloga nipadduwona obe kaleba esunziliwe na nipadduwona.

• Wengese nipadduwo ninloga mwaha wa nlobelo ninfwanyeya mBibiliani, venevo mutanalele mukalelo onawukamihedheni wunuwiha ekalelo yenyu ya olobela.

• Wonege mavidiyu a mu nikuruni mwehu, vasogorhova otanalele na ena obe olebe esunziliwe na vidiyuya.

• Ovisasanyedhele wi odhowe mmabasani a olaleya. Txino muttu modha wa vamuralani onokala mwanamuralaya, venevo koona mukalelo onaloge weyo na iyene.

• Wang’ane dhottanddiwa vina otanalele obe wubuwele ensunzihani mwaha wa Yehova. a