Eniwanana na makaniya, akala kavali mwaha wofwanyelela onkalela attu aba eli vamodha. Anddimuwa a mulogo anofwanyela ovenyiha makani a wattonga attuya, sabwani vahikala muladdu obe ttangwi ya opadduwavo mararuwo.—1 Korinto 6:18.

Anddimuwa a mulogo ahinatti ovenyiha makaniya, anofwanyela otakunela mofwaseya mwene wi aziwe akala akalewo makaniya obe kakalewo. Motagiha: Mulobwana na mwiyanaya oddu attu aneddelelana? Ahiromaga olagiwa sabwa ya mweddelo wawa? Elobo gani yakosihile ogona vamodha? Elobo elaganelani wale? Egahiwodheya awene okosa masasanyedho mena, vahikala sabwaya ninga oribeliwa mburho wahajedhelani obe elobo yina nanda biyakosiha ogona kugulu modha? (Kohelét 9:11) Kadda muttu ogonile wuvi, nanda dhavi? Mikalelodha dhinottiyana, dhinopadduwa ttangwi dhina dhinafwanyelela otanalela anddimuwa a milogo.

Agamala otakunela mowakwana dhotanela esi, anddimuwa a mulogo anowodha ononelamo akala vahikala sabwa yovenyiha makani obe kayivo sabwa.