Weyo ohengesa mitoma dhotene dha Mwang’aneli wa yaka ejino? Akala pumwenemo, karoma wona akala onowodha wakule mavuzo aba:

Ninfwanyela waweddiha dhavi attikitteliwi?

Jabure omuzuzumela obe ‘omusiba vaddiddi muttu’ masiki akale mbali wottikitteliwa wa Kristu. (Jud. 16) Iyo ninofwanyeela orabela wavuza mwaha wa njedhelo nawa.—w20.01, nikuku 29.

Koddi Yehova onoddona?

Yehova onoziwa eli mmurimani mwawo vina enubuweliwe. Bibilia onloga wi iyene ohuwoona weyo ohinatti obaliwa. Iyene oli womala nawale wi avuruwane malobelo ehu. Yehova onoziwa dhili mmirimani mwawo vina dhinubuweliwe, merelo awo anopatta dhubuwelo dha Yehova. (1 Map. 28:9; Gano 27:11) Yehova mwinyene ohukukusela oliye.—w20.02, nikuku 12.

Mudhidhi gani onfwanyelihu ologa vina okala omaalene?

Ninowagalala nigalogaga na enna sabwa ya Yehova. Kaninfwanyela ologa mwa wa makani oviteya. Anddimuwa a mmulogoni anovaha malago na mukalelo wofanyelela. Iyo kaninfwanyelela ologa obe otapulelamo mukalelo oneddihiwa mabasa ehu mwilaboni munkoddihiwani. Nirabele ovuwiha muselu dhoviteya.—w20.03, makuku 20-21.

Ottiyana gani wa anyazombe anlogiwa va nivuru na Jowel kapitulu 2, na anyazombe anlogiwa nivuru na Ovuhulela kapitulu 9?

Jowel 2:20-29 Mulugu ohiloga wi ddinere outxatxamihani anyazombe, vasogorhova ohiloga wi ddinere ouwiyedhani milima dhenyu dhajiwe anyazombe. Wahiloga vina wi dhotene eso dhigavira, Mulugu agahavudhelela attu otene muya waye. Mazu aba ahidha wakwanihedheya vyaka dha musogorho mudhidhi wadhile akadda Babilónia otolotxa mu Jeruzalemi. Oku anyazombe anlogiwa nivuru na Ovuhulela 9:1-11 anatonya attikitteliwi, anvuwiha muthongelo onattongena Mulugu elabo ejino emalile otakalihiwa, ahovaga elo; nona eji enele wakosiha anamakalamoya okala odhugudheyene.—w20.04, makuku 3-6.

Bani oli mwene w’omadhulu masaka abano?

Rússia vamodha na akamihedhi aye. Merelo awa anowapatta attu a nlogo na Mulugu, vina onowafara-fara abali na arogora ankala mwari mwa elabo enlamulelani. Awene anovurana na mwene w’ogusuni.—w20.05, nikuku 13.

Mikalelo dhinromoliwa va Galásia 5:22, 23 sisene bahi dhinkosa mpaddi wa “dhinbala muya”?

Kahiye esene bahi. Muya wokoddela ononikamihedha okana mikalelo dhapama ninga oligana murima. (Ef. 5:8, 9)—w20.06, nikuku 17.

Wopiha gani oliwo wa wika miselu dhawo mw’internetini?

Muselu-museluvi onika weyo mw’internetini, onowoniha akala oli muttu woviyeviha obe wovittukulela.—w20.07, makuku 6-7.

Txini ensunza Akristu na namattadda wa ttotto?

Namattadda wa ttotto onoziwa mudhidhi wa olaba vina mudhidhi onfwanyeya oba. Onokaana malago a oziwa olabana vipano dhofwanyelela. Vina onovingela mabasa aye masiki na dhorutxa dhottiyana-ttiyana. Iyo ninofwanyela okosa yakakene mmalaleyoni.—w20.09, nikuku 5.

Ninamukamihedhe dhavi namasunza wehu wunuwiha omukwela waye Mulugu?

Ninofanyeela omukamihedha wi amwengesege Bibilia masiku otene na otanalela esile dhinsunziye. Vina ninofwanyeela omusunziha okosaga malobelo.—w20.11, nikuku 4.

Mazu aba awi “n’ovolowena na Kristu otene anovenya mukwani” anatonya ani?—1 Kor. 15:22.

Paulo kaloga ovenya mukwani wa malogo etene a attu. Iyene wawaddana Akristu ‘ottikitteliwa okoddelihiwe na Yezu Kristu.’ (1 Kor. 1:2; 15:18)—w20.12, makuku 5-6.

Mabasa gani anakose attikitteliwi wirimu agamala ‘osadduliwa nomaguva ninga enira okapila wa mento vanarume parhaza womariha’?—1 Kor. 15:51-53.

Awene anere onfwara Yezu wi eddihe malogo etene na fibo ya mujila. (Ovuh. 2:26, 27)—w20.12, makuku 12-13.