Bibilia onowoniha wi Mulugu kamuttanddile Diabo. Iyene omuttanddile muttu odhile okala Diabo. Bibilia onloga dhahi mwaha wa Mulugu: ‘Mabasa aye bowakwana, dila dhaye dhotene s’oligana. Mulugu wawiwananeyana, ohimpela malago, woligana, wamurima mmodha.’ (Olibiha 32:3-5) Na mazu aba ninowodha ozinddiyela wi Satana, Diabo, wali woligana vina wowakwana, wali mmodhaya wa ana Mulugu.

 Va Joau 8:44, Yezu ologa wi Diabo ‘kakalilevi mwebaribarini,’ yonihaga wi nahikalawo nsaka naliye anju woweddeyana vina wokoddela.

 Dhawene ninga dhottanddiwa dhina dha eziwelo dha Yehova, anju ovikosiyile Satana wahikana ofuru wa osakula yapama obe yabure. Vasakuliye omusadduwela Mulugu vina wattukulela atelani oroma okala epaddi yaye, anju oddu ovikosiha okala Satana, entapulela ‘Musadduweli’.—Wita 3:1-5; Ovuhulela 12:9.