Mabibilia mena anolabihedha mazu aba a “inferno” wila atapulelena mazu a hebrayiko “Seol” vina mazu a egregu “Hades,” mazu omeli anaddiwana masiye muntibeliwa attu. (Masal 16:10; Merelo 2:​27) Attu enjene anorumela inferno ya motto, ninga munonela iyo vafotoni ya mutoma obu. Mbwenye Bibilia onsunziha elobo yina.

1.   Abale ali o infernoni kanziwa elo, nona kaniwa opa. ‘kunttiddiwa mabasa, kuntadiwa dhawira, kuli ononelamo o seol.’​—Kohelét 9:​10.

2.   Attu apama anodhowa winfernoni. Alobwana a nroromelo ninga jakob na job anziwa wi nasikuna agahidhowawo.​—Wita 37:35; Job 14:13.

3.   Otxinutxiwa wehu sabwa yottega, okwa, ottiya otabutxiwa winfernoni ya motto. ‘Ole okwile omala oleveleliwa dhottega dhaye.”​—Roma 6:7.

4.   Otabutxiwa namukala-kala onolupa oligana wa Mulugu. (Olibiha 32:4) Vattegile mulobwana woroma Adamu, Mulugu walogile wi otxinutxiwa waye ogali ottiya okalawo: “Vowi weyo oli mbwebwe, onowiyelela okala mbwebwe wokokene.” (Wita 3:​19) Nona Mulugu konvokela Adamu winfernoni ya motto, kokosa ejuwene, egakalile ninga welozivala na mazu abale engesilehu va wita.

5.   Mulugu kanobuwelaga-wene osasanya mburo munfuna oddumeyiwaga attu namukala-kala. Monelo wa watxinutxa attu winfernoni ya motto onogudulana na masunziho a mBibiliani a wi “Mulugu Okwela” watxinutxa attu winfernoni ya motto onogudulana na masunziho a mBibiliani a wi “Mulugu Okwela.”​—​1 Joau 4:8; Jeremiya 7:​31.