Ndde, sabwani nikamihedho na pama ninda wa ‘Mulugu, onlibiha, vina onapangaraza abale ankubanya.’—2 Korinto 7:6, The Amplified Bible.

•   Guru. Mulugu ‘onolibiha vina onopangarhaza’ kankosa ejuwene modhela ogomiha makattamiho awo, nne, mbwenyi onkosa ejuwene modhela wakula malobelo awo, mudhidhi onimukumbiriwe guru wila owodhe ovilela. (Filipi 4:13) Kakana ebaribari wi iyene oli womala nawale wi awuvuruwane, sabwani Bibilia onloga dhahi: ‘Yehova onowawaddamela ansuveya murima, onowalibiha anojeya.’ (Masal 34:18) Txibarene, Mulugu onowodha ouvuruwana ogamukumbiraga nikamihedho, masiki sohiwodha ologa na mazu.​—Roma 8:26, 27.

•   Dhotagiha Dhapama. Namaleba mmodha wa Bibilia, wahimulobelela Mulugu na mazu awi: ‘vafwanyiwemi segedho, miyo ddahuwittanani.’ Elobo mmodha emukamihedhile munasalmo oddu ovilela okubanya, wubuwela wi Mulugu oli womala-nawale wi alevelele dhottega dhehu. Iyene ologa: ‘Mugalaza dhottega dhehu, on’halavo bani? Mbwenye nyuwo munonilevelela, nona nigauwovani na nriho.’​—Masal 130:1, 3, 4, Bibilia na elogelo ya siku na siku.

•   Njedhelo. Ottiya onipangarhaza masaka abano, Mulugu opikirhela ogomiha makattamiho otene annittukulela okubanya. Iyene agakwanihedha nipikirhelo ntti, ‘dhivirile [otaganyiha na okubanya], dhinodduwaliwa mudduwalelo.’​—Izaiya 65:17.

 Nota: Masiki arumelaga wi Mulugu onovaha nikamihedho, Anamoona a Yehova anotamela nikamihedho na amediku agakana makattamiho okubanya (Marko 2:17) Mbwenye kaninvaha malago a murobwe onfwanyela olabihedhiwa, ninottiya wi muttu-muttu akose dhogana dhaye.