Shina Uprofeto Wakusolola Ngwo Yesu Mwe Mesaya?
Kumbululo lia mu Mbimbiliya
Ewa. Muze Yesu apwile hano hashi, kamanununwine uprofeto unji hakutwala kuli “Mesaya” yoze te mapwa “Chilamwina cha akwa hashi.” (Daniele 9:25; 1 Yoano 4:14) Chipwe hanyima lia kufwa chenyi, Yesu yanunga ni kumanununa uprofeto hakutwala ku Umesaya.—Samu 110:1; Yilinga 2:34-36.
Liji “Mesaya” yika linalumbunuka?
Mu limi lia Hepreu Ma·shiʹach (Mesaya) lize mu Ngregu akuvuluka ngwo Khri·stos (Kristu) maliji wano aali kanalumbunuka ngwo, “Mutu wakusakula.” Kashika, jina “Yesu Kristu” linalumbunuka “Yesu, Wakusakula” hanji “Yesu, Mesaya.”
Ku mashimbu a kunyima, muze te akusakula umwe mutu hanga apwe ni umwe wata, kapwile ni kwawayisa ni maji ha kwazujila-o ha mutwe. (Ulevi 8:12; 1 Samuele 16:13) Yehova mwe wasakwile Yesu hanga apwe Mesaya—hanga apwe ni chimwe chihela chinene cha wata. (Yilinga 2:36) Kashika, shimbu te amuwayise ni maji, Zambi yamuwayisa ni spiritu yisandu.—Mateu 3:16.
Shina atu anji e te mamanununa uprofeto hakutwala kuli Mesaya?
Ka. Chizechene ngwe impressão digital yakusolola wika mutu umuwika, umanunuko wa uprofeto wa mu Mbimbiliya newo unatale wika hali Mesaya umuwika hanji ngwetu Kristu. Kashika, Mbimbiliya yakwamba ngwo: “Kristu akwonga ni profeta a kwonga kumakasoloka, mba makasolola yilayi yinene ni yikomokeso; hanga akapiangule chipwe waze hanaatongola; nyi machihasa.”—Mateu 24:24.
Shina Mesaya te masoloka kulutwe lia matangwa?
Ka. Mbimbiliya yaliangile kwamba ngwo, Mesaya masemukina mu munyachi wa Mwanangana Ndawichi wa mu Izalele. (Samu 89:3, 4) Kashika, yisoneko yize te yakusolola minyachi ya Ndawichi musono yeswe hinatoko. Yisoneko yacho kota kayinongesene kuli A-Roma muze alukukilile Yerusaleme ha mwaka 70 M.J. a Chize haze, niwumwe yoze uli ni shindakenyo nyi Yesu kasemukinyine mu munyachi wa Ndawichi wakuhi. Alioze, yisoneko yacho yapwileko ku mashimbu a Yesu, kashika chipwe akwa-kole ja Yesu, kahashile kuhamika muze mwene ambile ngwenyi kasemukinyine mu munyachi wa Ndawichi.—Mateu 22:41-46.
Uprofeto ungahi watwama mu Mbimbiliya hakutwala kuli Mesaya?
Chikalu kwalula unji wa uprofeto uze wakuhanjika hali Mesaya. Chakutalilaho, chipwe yisoneko yize yakuhanjika zwalala hali Mesaya, nihindu jila yakwalwilamo uprofeto wacho muyihasa kulisa. Mukanda wa Izaia 53:2-7, unatongola yitanga yinji yinatale hali Mesaya. Atu amwe mahasa kwalula yuma yeswe ha versu jino ngwe uprofeto umuwika. Eka nawa, mahasa kwalula hita chitanga ngwe uprofeto umuwika.
Uprofeto uze Yesu amanunwine hakutwala kuli Mesaya
Uprofeto |
Uli ha mukanda wa |
Umanunuko |
|---|---|---|
Munyachi wa Apalahama |
||
Munyachi wa Izake mwana wa Apalahama |
||
Makasemukina mu munyachi wa A-Yunda |
||
Wa ku munyachi wa Mwanangana Ndawichi |
Izaia 9:7 |
|
Makasemuka kuli umwe virgem |
Izaia 7:14 |
|
Makasemukina ku Mbeteleme |
Mika 5:2 |
|
Makamuvuluka ngwo Emanuele b |
Izaia 7:14 |
|
Kuputuka chenyi muchikapwa chakulikehesa |
Izaia 53:2 |
|
Kufwa cha twanuke ha kusemuka chenyi |
Jeremia 31:15 |
|
Makamusanyika ku Engitu |
Hozeia 11:1 |
|
Makamusanyika ku Nazare c |
Izaia 11:1 |
|
Umwe mukwa-sango yalulieka jila |
Malakia 3:1 |
|
Kamutongwele ngwe Mesaya ha 29 M.J. d |
Daniele 9:25 |
|
Zambi yamutongola ngwenyi Mwanenyi |
Samu 2:7 |
|
Zango ha zuwo lia Zambi |
Samu 69:9 |
|
Mukwa-kwambujola sango lipema |
Izaia 61:1 |
|
Kwambujola ku Ngalileya chanehene pangu |
Izaia 9:1, 2 |
|
Mukwa-kulinga yikomokeso ngwe Mose |
Shimbi Yamuchiali 18:15 |
|
Kahanjikile manyonga a Zambi ngwe chize Mose alingile |
Shimbi Yamuchiali 18:18, 19 |
|
Mukwa-kuwuka mieji |
Izaia 53:4 |
|
Te keshi kuzanga kusoloka |
Izaia 42:2 |
|
Kasolwele keke kuli waze apwile ni kumona lamba |
Izaia 42:3 |
|
Kasolwele ululi wa Zambi |
Izaia 42:1, 4 |
|
Mukwa-kutakamisa atu |
Izaia 9:6, 7 |
|
Kanyingikishine jina lia Zambi, Yehova |
Samu 22:22 |
|
Kahanjikile ni yishima |
Samu 78:2 |
|
Iye Mwata |
Daniele 9:25 |
|
Atu anji yalituna kutayiza sango jenyi |
Izaia 53:1 |
|
Liwe liakuhukanyisa |
Izaia 8:14, 15 |
|
Atu yalitunaye |
Samu 118:22, 23 |
|
Yamuvwila kole chitela chakuhi |
Samu 69:4 |
|
Kunjila mu Yerusaleme ha chimbulu |
Zekaria 9:9 |
|
Twanuke yamulemesa |
Samu 8:2 |
|
Kejile mu jina lia Yehova |
Samu 118:26 |
|
Sepa lienyi yamukunjika kuli akwa-kole |
Samu 41:9 |
|
Amukunjikile ni 30 a mbongo ja prata e |
Zekaria 11:12, 13 |
|
Tumbaji eswe yamwehuka, yachina |
Zekaria 13:7 |
|
Yela a mahuza ahanjikile mahuza hali iye |
Samu 35:11 |
|
Muze amusumine, kakumbulwile nichimwe |
Izaia 53:7 |
|
Amufwilile mate |
Izaia 50:6 |
|
Alambile mutwe wenyi ni lumbungu |
Mika 5:1 |
|
Yamulamba ni shikote |
Izaia 50:6 |
|
Muze amulambile, kalimikine |
Izaia 50:6 |
|
Mianangana a hashi alimikine nenyi |
Samu 2:2 |
|
Ahachile moko ni molu jenyi ha mutondo wa lamba |
Samu 22:16 |
|
Atu yata uchela ha chikuto chenyi |
Samu 22:18 |
|
Amwalwile hamwe ni yitanguke |
Izaia 53:12 |
|
Amukekwine ni kumuseha |
Samu 22:7, 8 |
|
Ha uhenge wa yetu amuwondele |
Izaia 53:5, 6 |
|
Chasolokele ngwe Zambi kamumbila |
Samu 22:1 |
|
Yamwaha vinyu yakuchinga ni kasashisa akanwe |
Samu 69:21 |
|
Yevwa pwila shimbu te kanda afwa |
Samu 22:15 |
|
Yakunjika spiritu yenyi kuli Zambi |
Samu 31:5 |
|
Yecha mwono wenyi |
Izaia 53:12 |
|
Yahana mwono wenyi ngwe ukuule hanga akalamwine yitanguke |
Izaia 53:12 |
|
Kamumakwine nichimwe chifwaha |
Samu 34:20 |
|
Atuwile lumbu lienyi ni kunga |
Zekaria 12:10 |
|
Amufunjile hamwe ni pichi |
Izaia 53:9 |
|
Amuhindwishile muma mwa afu |
Samu 16:10 |
|
Yoze wamukunjikile yamusalakana |
Samu 109:8 |
|
Makatwama ku kwoko lia chindume lia Zambi |
Samu 110:1 |
a Cyclopedia ya McClintock ni Strong unambe ngwo: “Chakusoloka ngwe yisoneko ya minyachi ni usoko wa A-Yunda kayinongesene muze anongesene Yerusaleme, hi ha shimbu ko muze te Yerusaleme kanda yinonga.”
b Mu limi lia Hepreu, jina Emanuele linalumbunuka ngwo, “Zambi hamwe ni yetu,” chino chinasolola kanawa chiteli cha Mesaya. Muze apwile hano hashi, yitanga ni yilinga yenyi yasolwele ngwo Zambi kali hamwe ni tuvumbi twenyi.—Luka 2:27-32; 7:12-16.
c Liji “Ka-Nazare” kota linakatuka mu limi lia Hepreu neʹtser lize linalumbunuka “mutombo.”
d Nyi unazange kunyingika mumu liaka Mbimbiliya yakwamba ngwo Mesaya kasolokele ha mwaka 29 M.J., tala mutwe wakwamba ngwo “Como a profecia de Daniel predisse a chegada do Messias”.
e Uprofeto uno uli ha mukanda wa Zekaria. Alioze mukwa-kusoneka mukanda wa Mateu kambile ngwenyi, “yichimanunuka chize ahanjikile profeta Jeremia.” (Mateu 27:9) Yino yinasolola ngwo, ha mashimbu amwe mukanda wa Jeremia te kakulianga kuutongola hakachi ka mikanda yikwo ya “aprofeta.” (Luka 24:44) Chinasoloka ngwe, Mateu kazachishile jina “Jeremia” hanga ahanjike ha mikanda yikwo yeswe, hamwe ni mukanda wa Zekaria.
Kota Muzanga Chinji Yuma Yize Mumona
LAULENU!
Umwe Pwo Ka-Yundea Kanalumbununa Mumu liaka Aalumwine Ufulielo Wenyi
Uchela uka wakwashile Racquel Hall kupwa ni shindakenyo ngwo Yesu mwe Mesaya apwile ni kushimbwila?
