Kukatuka ha 7 ya Outubro, 2023, kunalingiwa jita yinene ku Israel ni ku Gaza. Tununu a tununu twa atu kahichika mazuwo jo. Sango jinasolola ngwo atu 4,200 katokesa mwono wo.

• Niumwe ndumbu kafwile chipwe kulemana

• Mandumbu 93 kahichika mazuwo jo

• Mazuwo atatu kapihia yimwe ndambu

• Nilimwe Zuwo lia Wanangana kuliapihile

• Tulayi a mbonge ni makulwana a mu yikungulwila kanatakamisa mandumbu waze anapalika mu vunda yacho ni kwaha ukwaso wa ku musunya.

• Kasa Komite ya Kukwasa Kuze Kwasoloka Luyinda hanga yisongwele mulimo wacho.

Mandumbu ali ku yihela kuze kuli jita kanase tachi hanga anunge ni kulinga yuma ya ku ufulielo ha kukunguluka kupalikila mu videoconferência. Umwe kalayi wa mbonge yamba ngwenyi: “Chipwe ngwe jita yinaliwezela tangwa ni tangwa, nihindu chili utakamiso kumona ufulielo wa mandumbu ni zango liamwenemwene lize ayo analisolwela umwe ni mukwo.”

Tunashimbwila kumanunuka cha chilakenyo cha mu Mbimbiliya chinambe ngwo, kwasala hakehe Zambi mahwisa “jita ndo ku songo lia hashi.”—Samu 46:9.