Ha 19 dezembro 2023, ndumbu Vladimir Balabkin kapwa kufambwisa mu zuwo lia ususu muze te hatwama tukweji atatu ni ndambu. Ku uputukilo kamupatwilile ha miaka yiwana, chocho yamusa mu zuwo lia ususu ha 13 setembro 2023. Ndumbu Vladimir kakatayijile chiyulo chize akwachile ku chota cha usopelo. Ngaji atatu waze amupanjikile, yalumuna miaka ya upatwilo yize amuselele chitangu. Yatepulula miaka yiwana yize amuselele ni kumupatwila mwaka umuwika ku zuwo. Alioze te keshi ni ulite wa kulinga wenyi.

Ha mashimbu a usopeso wenyi ni hamu lieswe Vladimir yamba ngwenyi: “Ufulielo wami ni yuma yize nakutayiza yinakatuka mu liji lia Zambi. Mbimbiliya yakungukwasa kupwa ni yitanga yize Sakatanga akuzanga kumona kuli atu eswe ngwe, upeme, kulihumikiza, ni kusuula. Chino chakunguyukisa hamwe ni usoko wami. Ngunazange hanga atu eswe alilongese Mbimbiliya mumu chino muchihasa kwalumuna mwono wo hanga upwe upema.”

Tunawahilila chinji hamwe ni ndumbu Vladimir ni usoko wenyi. Chikwo nawa, tunanungu ni kwiuluka waze eswe achili mu mazuwo a ususu, ni kupwa ni shindakenyo ngwo Yehova maawahisa ha kunyongonona cho.—A-Hepreu 10:34