JW LIBRARY
Kusa Yinyingikiso mu Mukanda—Android
Yinyingikiso ya mu JW Library, muyikukwasa kufunga haze wasulila mu hita mukanda mutanga, ngwe yinyingikiso twakusa ha mikanda. Hita mukanda mu JW Library uli ni yinyingikiso 10.
Kaula usongwelo hakuzachisa yinyingikiso:
Kusa Chinyingikiso Chaha
Muhasa kusa chinyingikiso ha mutwe, kapitulu hanji versu ya Mbimbiliya.
Mba use chinyingikiso ha mutwe hanji kapitulu, pola ha mbutau Chinyingikiso. Yinyingikiso ya mikanda yahaliapwila muyisoloka. Pola ha umwe mutwe hanji kapitulu hanga use chinyingikiso.
Mba use chinyigikiso ha paragrafu hanji versu ya Mbimbiliya, chitangu pola ha sona, hi mupola ha mbutau Chinyingikiso cha mukanda, yili ha lifwo liacho.
Kuya ku Chinyingikiso
Mba uwane chinyingikiso unakasa, azulula mukanda uze uli ni chinyingikiso, hi pola mbutau Chinyingikiso. Mba hi pola chinyingikiso chize unazange.
Kuzachisa Yinyingikiso
Nyi hiwasa chinyingikiso, muhasa kuchichiza hanji kuchisalakanyisa.
Hakuchiza chinyingikiso, pola mbutau Chinyingikiso ni kupola nawa mbutau Yinji yili sali lia chinyingikiso chize unafupu kuchiza. Mba pola Jimuna.
Hakusalakanyisa chinyingikiso, pola mbutau Chinyingikiso ni kupola nawa mbutau Yinji yili hakamwihi ni chinyingikiso muzanga kusalakanyisa. Pola ha Salakanyisa. Chinyingikiso chaha muchisalakana chikulu. Chino muchikukwasa kufunga haze muzanga kutanga ha mashimbu akwo. Chakutalilaho, muhasa kufunga katalilo we wa kutanga Mbimbiliya.
Ayi yeswe kayifwambwishile mu Maio 2014 ni JW Library 1.4, yize yakukalakala ni Android 2.3 ni aplikativa jaha. Nyi yikuma yino kuwayimwene, kaula usongwelo uli mu “Putuka Kuzachisa JW Library—Android,” ha mutwe wakwamba ngwo Chiza Yikuma Yaha.
