26 Fevereiro–3 Março
MASAMU 11-15
Mwaso 139 ni Kulemba | Maliji Akuputuka No (1 min.)
1. Nyonga Ngwe Uli Mu Chifuchi Chaha Cha Sambukila Ya Zambi
(10 min.)
Kuhona kulivwashana cha atu chakuneha upupilo uze tunamono musono (Sam 11:2, 3; w06 15/5 18 ¶3)
Mutuhasa kufuliela ngwetu, kwasala hakehe hanga Yehova ahwise upupilo (Sam 11:5; wp16.4 11)
Kunyonga ha yilakenyo ya Yehova yakutulamwina, chakutukwasa kushimbwila ni uhomboloji chifuchi chaha (Sam 13:5, 6; w17.08 6 ¶15)
ESEKA KULINGA CHINO: Fupa kupwa ni mashimbu hanga utange mukanda wa Ezekiele 34:25 ni kunyonga ngwo yenamwene uli mu chihela cha sambukila anatongolaho.—kr 236 ¶16.
2. Kuhengwola Yikuma Yilemu ya mu Mbimbiliya:
(10 min.)
-
Sam 14:1—Kuchi chisoneko chino chinasolola ponde yize muyihasa kusoloka chipwe kuli Akwa-Kristu? (w13 15/9 19 ¶12)
-
Yika walilongesa ha kutanga Mbimbiliya ha poso yino yize unazange kulianyina ni yetu?
3. Kutanga Mbimbiliya
(4 min.) Sam 13:1–14:7 (th longeso 2)
4. Chize Muhasa Kuputuka Lusango
(2 min.) KWAMBUJOLA CHA SUSUMUKU. Sanyika mutu ha chiwanyino cha kwiwuluka kufwa cha Yesu (lmd longeso 5 chikuma 3)
5. Chize Muhasa Kuputuka Lusango
(1 min.) KWAMBUJOLA KU ZUWO NI ZUWO. Sanyika mutu ha Chiwanyino cha Kwiwuluka Kufwa cha Yesu (lmd longeso 3 chikuma 4)
6. Chize Muhasa Kuputuka Lusango
(3 min.) KWAMBUJOLA KU ZUWO NI ZUWO. Mutu kanasolola ngwenyi kanazange kupwa ha Chiwanyino cha Yesu. (lmd longeso 7 chikuma 4)
7. Kutayisa Tumbaji
(5 min.) lff longeso 13 yize walilongesa, kuhitulula ni yize mulinga. Hanjika chimwe chikuma ha “Hengwola nawa” hanga ukwase longi ye kunyingika chize Yehova akulivwa hakutwala ku uwayilo wa mahuza (th longeso 12)
Mwaso 8
8. “Mana Kakukwasa Kuhiana Yitwa ya Jita”
(10 min.) Kushimutwina ni mbunga.
Upupilo unalitanda hashi heswe. Yehova kananyingika ngwenyi upupilo uze twakumona musono muuhasa kutuhongesa chinji. Iye kananyingika nawa ngwenyi, tunafupiwa ufunge. Jila yimwe yize iye akutufungilamo, yili kupalikila mu Liji lienyi Mbimbiliya.—Sam 12:5-7.
Mu Mbimbiliya muli ‘mana waze ahiana yitwa ya jita.’(Chi 9:18) Tala chize shimbi ja mu Mbimbiliya mujihasa kukukwasa kulifunga ku upupilo.
-
Chi 4:9, 10—Ehuka kupwa ukawe ku chihela kuze kuli yingalwe
-
Yis 22:3—Kanyama ni yuma yize yinakujingilika
-
Yis 26:17—Kanda ulinjisa ha kuhangujola chize kuchakutalile
-
Yis 17:14—Nyi wamona ngwe atu kanazange kulilamba, katuka ha chihela chacho. Kanda ulichinga ni atu waze akuneha mbwanja
-
Lu 12:15—Kanda usa mwono we mu ponde mumu lia yikumba ye
Solola CHINEMA Imbululenu Waze Afulielele, hi Waze Kafulielele ko—Enoke, Hi Lameke Ko. Mba uhule mbunga chihula chino:
Kuchi chilweza cha Enoke chakwachile ha chiyulo ni yitanga ya tato hakutwala ku upupilo?—Hep 11:5
Ha mashimbu amwe, umwe Mukwa-Kristu mahasa kulivwa ngwe kanafupiwa kufunga mwono wenyi ni yikumba yenyi. Nyi chenacho, iye katamba kusa tachi hanga ehuke yuma yeswayo muyihasa kushiha mutu.—Sam 51:14; tala chikuma “Yihula Ya Waze Akutanga Mikanda Yetu” ha Kaposhi wa Kutalila wa Julho 2017.
9. Mulimo wa Kusanyika atu ha Chiwanyino cha Yesu Muuputuka Liaposo, 2 Março
(5 min.) Pande ja kulinga kuli mukulwana wa mu chikungulwila. Lumbununa chize nwalilulieka hakutwala ku kwambujola chalipwila, pande jalipwila ni kwiwuluka kufwa cha Yesu. Iwulula akwa-kwambujola ngwo ayo mahasa kusakula kukalakala ngwe mapionelu a shimbu likehe ni kuhana maola 15 ha tukweji a Março ni Abril.
10. Longeso lia Mbimbiliya lia Chikungulwila
(30 min.) bt kap. 6 ¶9-17
