5-11 Agosto

MASAMU 70-72

KWAZULULA

5-11 Agosto

Mwaso 59 ni Kulemba | Maliji Akuputuka No (1 min.)

YIKUMA YILEMU YA MU LIJI LIA ZAMBI

1. Ambujola “Ndundo ja Zambi ku Chisemuko Chize Muchizaho”

(10 min.)

Ndawichi kamufungile kuli Yehova muze apwile mukweze (Sam 71:5; w99 1/9 18 ¶17)

Ndawichi kamukwashile kuli Yehova muze apwile kashinakaji (Sam 71:9; g04 10/8 23 ¶3)

Ndawichi kakolwezele akweze ha kwambulwila chilweza chenyi chipema (Sam 71:17, 18; w14 15/1 23 ¶4-5)

LIHULE NGWE, ‘Ndumbu muka mu chikungulwila yoze unalingila Yehova ha miaka yinji munguhasa kusanyika mu Uwayilo wetu wa mu Usoko hanga atwambulwile sango ja ku mwono wenyi?’

2. Kuhengwola Yikuma Yilemu ya mu Mbimbiliya

(10 min.)

Sam 72:8—Kuchi chilakenyo cha Yehova kuli Apalahama chili ha Uputukilo 15:18 chamanunukine ha mashimbu a kuyula cha Mwanangana Solomone? (it-2 61)

Kumbululo
Yika walilongesa ha kutanga Mbimbiliya ha poso yino yize unazange kulianyina ni yetu?

Kumbululo

3. Kutanga Mbimbiliya

(4 min.) Sam 71:1-24 (th longeso 5)

LIKOLWEZE CHINJI MU MUNDA

4. Chize Muhasa Kuputuka Lusango

(3 min.) KWAMBUJOLA KU ZUWO NI ZUWO. Nyi mutu mazanga kulihangujola ni yena, hwisa maliji je ni uhumikizo. (lmd longeso 4 chikuma 5)

5. Kwasa Atu Azange Kukupanjika

(4 min.) KWAMBUJOLA CHA SUSUMUKU. Nunga ni lusango yoze waputukile kunyima ni umwe usoko we yoze keshi kuzanga chinji kulilongesa Mbimbiliya. (lmd longeso 8 chikuma 4)

6. Lumbununa Ufulielo We

(5 min.) Pande. ijwfq 49—Mutwe: Mumu Liaka Yela ja Yehova Akwalumuna Yimwe Yize te Akufuliela? (th longeso 17)

MWONO WA AKWA-KRISTU

Mwaso 76

7. Yize Munuhasa Kulinga mu Uwayilo wa mu Usoko

(15 min.) Kushimutwina ni mbunga.

Tangwa lia Uwayilo wa mu Usoko lili tangwa lilemu chinji lize ana akupwa ni uhashi wakunyingika “fumbo ni shimbi ja Yehova.” (Efw 6:4) Kulilongesa chakufupiwa kusa tachi, alioze ana mahasa kuwahilila ha kuchilinga chipichipi muze akuputuka kupwa ni zango lia kunyingika umwenemwene wa mu Mbimbiliya. (Yo 6:27; 1Pe 2:2) Shimutwinenu mushete “ Yize Munuhasa Kulinga mu Uwayilo wa mu Usoko” uze muhasa kukwasa yisemi kulongesa ana jo ha uwayilo wa mu usoko ni kuwahilila ha kuchilinga, mba uhule mbunga yihula yino:

Manyonga aka wazanga chinji, waze unazange kukaula?

Kumbululo
Shina hiwanyonga ha yuma yikwo yize muyihasa kunukwasa mu uwayilo wenu wa mu usoko?

Kumbululo

YIZE MUNUHASA KULINGA MU UWAYILO WA MU USOKO

MBIMBILIYA:

Litesenu hanga hita mutu mu usoko wenu atange chimwe chihanda cha mu Mbimbiliya ni liji mwilu. Hita mutu matanga maliji a umwe mutu wa mu Mbimbiliya
Lulieka yihula kulita ni Kutanga Mbimbiliya cha ha Poso. Hita mutu masakula chihula chimuwika ni kuchihengwola. Mba hanyima, ayo mahasa kuhana kumbululo lia chihula ni kuhanjika ha yize alilongesaho
Nyongenu ha chimwe chihula hanji chuma chimwe chize muchifupiwa hanga nuhengwole shimbi ja mu Mbimbiliya jize jinatale ha yize nunafupiwa ha mukanda Yisoneko Yize Yakusongwela Mwono wa Akwa-Kristu
Lingenu chimweso chinalite ni sango jimwe ja mu Mbimbiliya
Soneka versu yimwe ya mu Mbimbiliya ha kamwe kamukanda hita poso, ngwe yisoneko yize yili mu apendice A ya kamukanda Zangenu Atu—Mba Nwapwise Tumbaji, hachino senu tachi hanga nufunge yisoneko yacho mu manyonga. Liwululenu yize nwasoneka ha mikanda ha poso yize yapalika
Lilongesenu chihanda chimwe cha mukanda Wahilila ku Mwono ku Miaka Yeswe!
Sakula amwe mu usoko wenu hanga alumbunune yikuma yimwe yize yakusoloka ha chikuma “Kumbululo lia Yihula ya mu Mbimbiliya” hanji “Yisoneko Yize Alumbununa” yize twakuwana ha kupola ha “MALONGESO A MBIMBILIYA” ha jw.org

KUKUNGULUKA:

Luliekenu hamuwika yize munulilongesa ha kukunguluka
Luliekenu yize munukakumbulula ha kukunguluka. Muze munukumbulula, kanda nuhianyisa mashimbu
Lilongesenu kwimba miaso ya Wanangana
Luliekenu yize munuhanjika hanga nutakamise umwe ndumbu shimbu kukunguluka kanda chiputuka hanji muze muchihwa
Sakula umwe hanga alinge chimwe chihanda cha longi kulutwe lia asoko

MULIMO WA KWAMBUJOLA:

Liluliekenu hanga nwambujole ku zuwo ni zuwo
Liluliekenu hanga nufune ni kumeneka mutu yoze nwahanjikanga nenyi
Nyongenu ha chimwe chize muchihasa kunwaha uhashi wa kwambujola susumuku, mba nululieke chize munuhasa kuputuka umwe lusango ni chiseke
Shimutwinenu chize munuhasa kulihana chinji mu mulimo wa kwambujola ha mashimbu a Chiwanyino cha Kufwa cha Yesu, muze kunushi kukalakala hanji kuya ku shikola

YIZE YINAFUPIWA MU USOKO:

Lingenu chimwe chimweso cha yize mutu malinga muze mapwa mu cheseko cha kulinjisa mu yuma ya mafwefwe, muze mamusosomba, kumushinjila hanga apwe ni kasendo hanji kulinga yiwanyino ya matangwa akunanga
Linga chimwe chimweso chize yisemi masolola ngwo kali ana, ana mapwa yisemi. Twanuke mahengwola yikuma yimwe ni kuyishimutwina ni yisemi jo

YIKUMA YIKWO:

Talenu ni kushimutwina yinema ya programa ya JW Broadcasting^®
Tangenu chimwe chikuma, hanji kutala chimwe chinema ha site jw.org ni kuchishimutwina
Hanjikenu ha chimwe chihanda chize chili ha chikuma “MALONGESO A MBIMBILIYA” mu site jw.org chinatale hali “Twanuke ni Akweze”
Liwululenu yize nwasoneka ha kukunguluka cha mbonge ni cha mambonge
Talenu hanji kuhengwola chimwe chitangiwa ni kushimutwina yize chinatulongesa hali Yehova
Ha mashimbu amwe munuhasa kusanyika umwe ndumbu ni kumwihujola mu uwayilo wenu wa mu usoko
Tesenu yize munulinga ku ufulielo ni kushimutwina chize munuhasa kuyimanununa
Lingenu yimwe milimo hamuwika ngwe, kutunga yuma yize anatongola mu Mbimbiliya ngwe ulungu wa Noa hanji kulilongesa mapa yize akusoloka ha Mbimbiliya Yisoneko Ya Chifuchi Chaha hanji ha mikanda yetu

Solola CHINEMA Nungenu ni Kupemesa Uwayilo Wenu wa mu Usoko. Mba uhule mbunga chihula chino:

Kuchi lunga mahasa kupemesa uwayilo wa mu usoko hamuwika ni mukwo-pwo nyi ngwe keshi ni ana?

Kumbululo

8. Longeso lia Mbimbiliya lia Chikungulwila

(30 min.) bt kap. 13 ¶17-24

Maliji Akuhwisa No (3 min.) | Mwaso 123 ni Kulemba

MUKANDA WA KUKUNGULUKA CHA MWONO NI MULIMO WETU

Katalilo wa Kukunguluka cha Mwono Wetu ni Mulimo Wetu ha 5-11 Agosto, 2024

Chokwe