Mukanda Panjika Zambi kaulingile hanga alongese nawo umwenemwene wa mu Mbimbiliya kuli waze kanyingikine kutanga. Hita longeso lili ni mafwo aali ni yizulie nawa hali chilayi chize chinasolola chizulie chakasula chize mutulilongesa.

Mukanda Panjika Zambi Ukapwe ni Mwono wa Mutolo uli ni yizulie ngwe yize yili ha mukanda Panjika Zambi, alioze uli ni sona nawa kakuuzachisa hanga alongese nawo atu waze ananyingika kutanga. Akwa-kwambujola kanji-kanji kakuuzachisa hanga alongese nawo longi yoze unalilongesa mukanda Panjika Zambi. Hita longeso lili ni umwe kasha yoze uli ni sango jikwo, longeshi mahasa kumuzachisa hanga ashimutwine ni longi kulita ni uhashi wenyi.

Mutuhasa kuhana mukanda uno ha mashimbu eswawo, chipwe ngwe kutuchi kuuhana ha kakweji wacho. Nyi unasongwela longeso lia Mbimbiliya, zachisa yizulie hanga ulumbunune yisoneko ya mu Mbimbiliya. Hula yihula hanga unyingike ni longi kevwa kanawa yize nwalilongesa. Tanga, nawa shimutwinenu yisoneko yize yili mushi lia longeso. Nyi nwahwisa kulonga mukanda uno, munuhasa kulonga mukanda Yika Chamwenemwene Mbimbiliya Yakulongesa? hanji Yika Mbimbiliya Muyihasa Kutulongesa? Mikanda yino muyikwasa longi kusenya kulutwe ndo muze mamupapachisa.