Nunga ni ‘Kulawoka’
Chipwe ngwe Yesu te kanatalikisa chishima cha ana-mapwo kumi kuli akwa-Kristu akuwayisa, nihindu sango jamo jinatale kuli akwa-Kristu eswe. (w15 15/3 12-16) “Kashika lawokenu se kunwanyingikine tangwa, chipwe ola.” (Mat 25:13) Kuchi yena muhasa kulumbununa chishima cha Yesu?
-
Sandungi (versu 1)—Yesu
-
Ana-mapwo, yikanyame (versu 2)—Akwa-Kristu akuwayisa waze alilulieka ni kulinga mulimo wo ni ushishiko weswe, nawa anapanguka ngwe temo do ku songo (Fwp 2:15)
-
Liji linene yilihiohia ngwo: “Talenu sandungi!” (versu 6)—Ushindakenyo wa kusoloka cha Yesu
-
Ana-mapwo yihepuke (versu 8)—Akwa-Kristu akuwayisa waze makaya ni kupatwiza sandungi, alioze ayo keshi kununga ni kulawoka chipwe kushishika
-
Ana-mapwo yikanyame yalituna kuhana maji jo (versu 9)—Muze makatambula chilayi chakasula, akwa-Kristu akuwayisa ashishika kechi kahasa kukwasa waze kashishikile kuli Yehova
-
“Sandungi yeza” (versu 10)—Yesu makeza ni kusopesa atu muze mukusala hakehe hanga luyinda munene ahwe
-
Ana-mapwo yikanyame yanjila hamwe nenyi mu ulungi; mba yajila pito (versu 10)—Yesu kanakungu akwa-Kristu akuwayisa waze ashishika hanga aye mu malilu, alioze waze kashishikile kechi kuya mu malilu