Atu anji keshi ni manyonga alita hali waze ali ni wata. Mumu liaka? Mumu chize ku shakulu, atu anji kapwile ni kuzachisa chipi wata wo ni kuliyukisa ayo ene. (Mik 7:3) Twakusakwilila chinji ha kupwa ni makulwana a mu chikungulwila waze akutambula fumbo hanga azachise kanawa chiteli cho ni kufunga kanawa atu ja Yehova. —Es 10:3; Mat 20:25, 26.

Makulwana a mu chikungulwila kalisa ni atu waze akuyula hano hashi. Ayo kakupwa tulayi mumu lia zango lio hali Yehova ni hali atu jenyi. (Yo 21:16; 1Pe 5:1-3) Kupalikila mu usongwelo wa Yesu, tufunga wano kakukwasa Akwa-kwambujola hanga alivwe kanawa mukachi ka usoko wa Yehova ni kukundama chinji kuli iye. Ayo kakukwasa kawashi-washi mapanga ja Yehova ku spiritu ni muze akuyiza hanji muze kwakulingiwa umwe luyinda. Nyi mufupiwa ukwaso, hanjika ni umwe mukulwana wa mu chikungulwila che.—Tia 5:14.

SOLOLA CHINEMA, TUFUNGA WAZE AKUFUNGA MAPANGA, MBA NUKUMBULULE YIHULA YINO:

• Kuchi Mariana ayukile ni ukwaso uze amuhele kuli makulwana a mu chikungulwila?

  Kumbululo lie

• Kuchi Elias ayukile ni ukwaso uze amuhele kuli makulwana a mu chikungulwila?

  Kumbululo lier

• Hanyima lia kutala chinema chino, kuchi unevu ha mulimo uze makulwana a mu chikungulwila akulinga?

  Kumbululo lier