2-8 Setembro
MASAMU 79-81
Mwaso 29 ni Kulemba | Maliji Akuputuka No (1 min.)
1. Lemesa Jina Lilemu lia Yehova
(10 min.)
Ehuka yitanga yize yakupihisa lufuma wa Yehova (Sam 79:9; w17.02 9 ¶5)
Pwako ni kutambika jina lia Yehova (Sam 80:18; ijwbv 3 ¶4-5)
Yehova kakuwahisa waze akumwononokena ni kulemesa jina lienyi (Sam 81:13, 16)
Mba yitanga yetu yilite ni jina lia Yehova, twatamba kulisolola ngwetu tuli Yela jenyi
2. Kuhengwola Yikuma Yilemu ya mu Mbimbiliya
(10 min.)
-
Sam 80:1—Mumu liaka mu Mbimbiliya mashimbu amwe akutongola jina lia Yosefwe muze akuhanjika hakutwala ku minyachi ya Izalele? (it-2 601)
-
Yika walilongesa ha kutanga Mbimbiliya ha poso yino yize unazange kulianyina ni yetu?
3. Kutanga Mbimbiliya
(4 min.) Sam 79:1–80:7 (th longeso 10)
4. Chize Muhasa Kuputuka Lusango
(1 min.) KWAMBUJOLA KU ZUWO NI ZUWO. Lweza mwenya-zuwo ngwe unazange kulilongesa nenyi Mbimbiliya. (lmd longeso 4 chikuma 4)
5. Chize Muhasa Kuputuka Lusango
(3 min.) KWAMBUJOLA CHA SUSUMUKU. Lweza mwenya-zuwo ngwe unazange kulilongesa nenyi Mbimbiliya. (lmd longeso 4 chikuma 3)
6. Chize Muhasa Kuputuka Lusango
(2 min.) KWAMBUJOLA HA MBUNGA. Lweza mwenya-zuwo ngwe unazange kulilongesa nenyi Mbimbiliya. (lmd longeso 3 chikuma 3)
7. Kwasa Atu Azange Kukupanjika
(5 min.) KWAMBUJOLA KU ZUWO NI ZUWO. Lweza mwenya-zuwo yoze walitunyine kulilongesa Mbimbiliya kunyima, ngwe unazange kulilongesa nenyi. (lmd longeso 8 chikuma 3)
Mwaso 10
8. “Kumakasela ku Usandu Jina Liami”
(15 min.) Kushimutwina ni mbunga.
Satana kaputukile kupihisa lufuma wa jina lia Yehova mu munda wa Endene. Kukatuka haze, kupwisa jina lia Yehova lisandu chili chikuma chilemu chinji chize yitangiwa yeswe ya mana atamba kulihulumba nacho.
Tutalenu amwe a ku mahuza waze Satana akumwanga hakutwala kuli Yehova. Iye kakwamba ngwo, Yehova kali mukwa-kuyula mupi yoze keshi zango. (Upu 3:1-6; Yom 4:18, 19) Iye nawa kakwamba ngwo, atu kechi kuwayila Yehova hanji kumuzanga ni mbunge yeswe. (Yom 2:4, 5) Iye kakupiangula atu anji hanga afuliele ngwo, Yehova kakatangile hashi ni yuma yipema yize yatwamaho.—Ro 1:20, 21.
Kuchi wakulivwa ha mahuza wano a Satana? Kota unazange kukalilla Yehova! Iye te hananyingika kulu ngwo atu jenyi mazanga kumukwasa hanga apwise jina lienyi lisandu. (Tesa ni Izaia 29:23.) Mba kuchi muhasa kukalila Yehova?
-
Kwasa akwenu kunyingika ni kuzanga Yehova. (Yo 17:25, 26) Lilulieke hanga uhase kulweza akwenu yikuma yize yakushindakenya ngwo, Yehova katwamako lume ni kwalongesa nawa hakutwala ku yitanga yenyi yipema.—Iza 63:7
-
Zanga Yehova ni mbunge ye yeswe. (Mat 22:37, 38) Ononokena shimbi jenyi, hi wika ko mumu lia upeme wa shimbi jacho, alioze mumu unazange kumuvwisa kuwaha. —Yis 27:11
Solola CHINEMA Zango Kulishi Kuhwa Chipwe Ngwe . . . Amwe ku Shikola ye Keshi Kufuliela Muli Zambi. Mba uhule mbunga yihula yino:
-
Kuchi Ariel ni Diego akalilile jina lia Yehova?
-
Yika yaatwalile kukalila Yehova?
-
Kuchi mutuhasa kwimbulula yilweza yo?
9. Longeso lia Mbimbiliya lia Chikungulwila
(30 min.) bt kap. 15 ¶1-7 ni maliji atangu a chihanda 6
