“Wanangana Wenu Wize”—Kulemba Cha Atu Anji
Shina hiunalembe kama hanga Wanangana wa Zambi wize? Chize ku mashimbu akunyima, atu anji kakulemba ngwo, “Wanangana wenu wize.” Mumu liaka ayo akufunyina-funyina maliji jacho? Mumu Yesu kalwezele tumbaji twenyi hanga alembe hakutwala ku Wanangana wa Zambi.
Ku uputukilo, tumbaji twa Yesu kakanyingikine yuma yeswe yize iye ambile hakutwala ku Wanangana wa Zambi. Tangwa limwe, ayo yamuhula ngwo: “Mwene, haliapwila muhilwisa wanangana kuli A-Izalele, nyi?” Ayo kota kakomokene mumu Yesu kakaalwezele shimbu lize te Wanangana wa Zambi muwiza. (Yilinga 1:6, 7) Shina chino chinalumbunuka ngwo, kutwatambile kunyingika Wanangana wa Zambi ni shimbu lize muukeza? Ka, hi chocho ko!
Kaposhi yono makukwasa kuwana makumbululo a yihula yino:
Mumu liaka tunafupiwa Wanangana wa Zambi?
Iya Mwanangana mu Wanangana wa Zambi?
Shimbu lika Wanangana wa Zambi mukayula hano hashi?
Yika Wanangana wa Zambi muukalinga?
Mumu liaka twatamba kukwasa Wanangana wa Zambi haliapwila?
Wanangana wa Zambi yika?
Kota Muzanga Chinji Yuma Yize Mumona
ESSENTIAL BIBLE TEACHINGS
Wanangana wa Zambi Yika?
Muze Yesu akalakalile mulimo wenyi, te kakulongesa atu hakutwala ku Wanangana wa Zambi kuhiana chuma cheswacho. Ha miaka yinji, atu te kulemba hanga Wanangana wize.
