Muze tunatange Mbimbiliya, twakuzachisa yikwata yeka ni yeka hanga tunyingike kanawa yize tunatange. Alioze, kutwazangile wika kwokesa yinyingi yetu hakutwala ku Mbimbiliya. Tunazange nawa kuwana yikuma yilemu hakutwala ku utu wa Yehova yize muyokesa zango lietu hali iye. Mba tuchilinge, tulihulenu ngwetu: ‘Yika lusango yono anangulongesa hali Yehova?’

Chakutalilaho, muhasa kufupa yize muyikwaha shindakenyo ngwo Yehova kakwete yitanga ngwe, zango, mana, ululi ni ndundo. Alioze, Yehova kali ni yitanga yinji hi yino wika ko. Yimwe ya ku yitanga yacho, yakutukomwesa chinji. Kulihi muhasa kuwana sango jinji hakutwala ku yitanga yacho?

Mu Índice das Publicações da Torre de Vigia, muuhasa kuwanamo katalilo wa yitanga yikwo ya Yehova 50. Yili ha chikuma “Jeová” mushi lia ka mutwe kanambe ngwo, “Lista de Qualidades.” Muuhasa nawa kuwana katalilo wa mutapu au, mu Guia de Pesquisa para Testemunhas de Jeová ha chikuma, “Jeová Deus” mushi lia mutwe, “As Qualidades de Jeová.”