“Ngunafuliela Muli Zambi”
“Alama wa kusula iye spiritu wa kuhana mwono.”—1 A-KORINDU 15:45.
1-3. (a) Yika nawa yatamba kupwa yilemu ku ufulielo wetu? (b) Mumu liaka uhindukilo uli ulemu? (Tala chizulie ha uputukilo.)
NYI UMWE makuhula hakutwala ku malongeso alemu waze wakufuliela, kuchi mukumbulula? Kwamba pundu mukumbulula ngwo, wakufuliela ngwe Yehova mwe Sakatanga, nawa iye mwe watuhele mwono. Nawa kota mwamba ngwo, wakufuliela muli Yesu Kristu, yoze wahanyine mwono wenyi hali yetu ngwe chitapo. Nawa muhanjika hakutwala ku Paraisu ya kulutwe lia matangwa hano hashi, haze atu ja Zambi makatwama ku miaka yeswe. Alioze, shina mutongola uhindukilo ngwe chuma chilemu ha yize wakufuliela?
2 Tuli ni yitela yipema yakwamba ngwo uhindukilo uli chuma chilemu mu uwayilo wetu, chipwe ngwe twakushimbwila kupalika ni mwono ha luyinda munene ni kutwama hashi ku miaka yeswe. Postolo Paulu kasolwele ulemu wa uhindukilo. Yamba ngwenyi: ‘Nyi uhindukilo wa afu kuushiko, kachi chipwe Kristu kakamuhindwishile.’ Nyi Yesu Marku 12:18; Yilinga 4:2, 3; 17:32; 23:6-8.
kakamuhindwishile, kachi te keshi kuyula ngwe Mwanangana mu malilu, nawa mulimo wetu wakwambujola te muupwa wangwaza. (Tanga 1 A-Korindu 15:12-19.) Hachino, tunanyingika ngwetu, Yesu kamuhindwishile. Yetu kutushi ngwe A-Saduseu A-Yunda, waze te akusa pami ngwo afu kechi kaahindwisa, mumu twakufuliela ngwetu uhindukilo muukalingiwa. Chipwe ngwe akwetu kakutukekuna, nihindu ufulielo wetu ngwo Zambi mahasa kuhindwisa afu wakukola.—3 Paulu kambile ngwenyi, longeso lia “uhindukilo wa afu” liapwile longeso ‘litangu lia ufulielo wa akwa-Kristu.’ (A-Hepreu 6:1, 2) Yashindakenya ha uhindukilo ngwe chuma chize iye te akufuliela. (Yilinga 24:10, 15, 24, 25) Chipwe ngwe liapwa longeso litangu, nihindu chuma chilemu chize twatamba kulinga chili kulilongesa Liji lia Zambi. Chino muchitukwasa kunyingika kanawa uhindukilo. (A-Hepreu 5:12) Mumu liaka?
4. Yihula yika mutuhasa kulihula hakutwala ku uhindukilo?
4 Muze atu akuputuka kulilongesa Mbimbiliya, kanji-kanji kakutanga sango ja uhindukilo, ngwe uhindukilo wa Lazaru. Nawa kakulilongesa ngwo, Apalahama, Yombi ni Daniele kafulielele ngwo kulutwe lia matangwa afu makaahindwisa. Chipwe chocho, yika mwamba nyi umwe makwita hanga usolole mu Mbimbiliya mumu liaka mutuhasa kufuliela ha yilakenyo ya uhindukilo uze hanawambe ha miaka yinji kunyima? Nawa shina Mbimbiliya yinambe shimbu lize uhindukilo wacho muukalingiwa? Makumbululo a yihula yino makolesa ufulielo wetu.
UHINDUKILO UZE ALIANGILE KWAMBA HA MIAKA YINJI KUNYIMA
5. Yika mutushimutwina ha mutwe uno?
5 Muchihasa kupwa chashi kuli yetu kunyonga mutu kanamuhindwisa ku kufwa ha shimbu likehe wika muze mafwa. (Yoano 11:11; Yilinga 20:9, 10) Alioze shina mutuhasa kufuliela ngwetu mutu yoze hanafu ha miaka yinji kunyima makamuhindwisa kulutwe lia matangwa? Kutala chino muchitukwasa kufuliela ngwetu mutu yoze wafwile kulu hanji yoze wafwa haliapwila mahasa kwaahindwisa? Kwamba pundu, wakufuliela kulu ha uhindukilo uze walingiwile ha miaka yinji kunyima. Uhindukilo uka wenawo? Nawa kuchi uhindukilo wacho unatale ha uhindukilo wa kulutwe lia matangwa?
6. Kuchi Samu 118 yamanunukine hali Yesu?
6 Tuzachisenu Samu 118, yize kota asonekene kuli Ndawichi, hanga tushimutwine uhindukilo uze ambile ha miaka yinji kunyima. Samu yino yinambe ngwo: “Tunaliumbu Yehova, utulamwine haliapwila!” nawa ngwo “Kawaha yoze uneza mu jina lia Yehova.” Atu katongwele uprofeto uno hakutwala kuli Mesaya muze Yesu ayile mu Yerusaleme ha tangwa 9 lia Nisane, muze te hi kwasala matangwa akehe akufwa chenyi. (Samu 118:25, 26; Mateu 21:7-9) Mba kuchi Samu 118 yinatale ha uhindukilo uze te muulingiwa ha miaka yinji kulutwe? Tutalenu nawa chize Samu yino yinambe ngwo: “Liwe lize alitunyine tungi, hilinapu lia helu lia ha mbango.”—Samu 118:22.
‘Tungi wano kalitunyine’ Mesaya (Tala ha paragrafu 7)
7. Kuchi A-Yunda alitunyine Yesu?
Luka 23:18-23) Ewa, ayo no kapwile ni chitela ha kufwa cha Yesu.
7 “Tungi” waze alitunyine Mesaya te tusongo A-Yunda. Ayo kalingile yuma yinji yipi hali Yesu hi wika ko kumulengulula hanji kuhona kumutayiza ngwe Kristu. A-Yunda anji kalitunyine Yesu hakushinjila Pilatu hanga amushihe. (Zambi kahindwishile Yesu hanga apwe “liwe lia helu lia ha mbango” (Tala ha paragrafu 8, 9)
8. Kuchi Yesu apwile “liwe lia helu lia ha mbango”?
8 A-Yunda kalitunyine Yesu ni kumushiha, mba kuchi iye te mapwa “liwe lia ha mbango”? Chino te muchilingiwa wika nyi mahinduka ku kufwa. Yesu kachilumbunwine kanawa muze atele chishima cha mwenya munda yoze watumine tunganda twenyi kuli njimi waze te akukalakala mu munda wenyi. Njimi yahungumiona tunganda jacho. Kusulaho, mwenya munda yatuma mwanenyi, ni kunyonga ngwenyi te mamupanjika. Alioze ayo yashiha mwanenyi. Muze te hahwisa kuta chishima chino, Yesu yatongwola uprofeto uli ha Samu 118:22. (Luka 20:9-17) Postolo Petulu kazachishile versu yino muze ahanjikile kuli A-Yunda, ‘akwa kuyula, makulwana ni alongeshi a shimbi waze akungulukile ku Yerusaleme.’ Iye kambile hakutwala kuli ‘Yesu Kristu Ka-Nazare, yoze yenu nwahachile ha mutundo wa lamba, Zambi wamuhindwishile hakachi ka afu.’ Mba hi yamba ngwenyi: “Iye lie liwe lize yenu tungi nwalitunyine, haliapwila kuliapwa liwe lia helu lia ha mbango.”—Yilinga 3:15; 4:5-11; 1 Petulu 2:5-7.
9. Yuma yika yilemu ambile mu Samu 118:22?
9 Kwamba pundu, uprofeto uli ha Samu 118:22 kawambile hakutwala ku uhindukilo uze te muulingiwa ha miaka yinji kulutwe. A-Yunda te malituna Mesaya ni kumushiha. Alioze Zambi te mamuhindwisa, nawa te mapwa liwe lia helu lia ha mbango. Amu amuhindwishile, Yesu yapwa wika mutu yoze jina lienyi “hanalihana hakachi ka atu; atulamwine nalio.”—Yilinga 4:12; A-Efwesu 1:20.
10. (a) Yika yambile Samu 16:10? (b) Mumu liaka mutuhasa kupwa ni shindakenyo ngwetu Samu 16:10 kuyakahanjikile hali Ndawichi?
10 Tuhengwolenu versu yikwo yinahanjika hakutwala ku uhindukilo. Yamanunukine hakupalika cha tununu twa miaka. Yino yinatwehe shinakenyo ngwetu uhindukilo muuhasa kulingiwa hakupalika cha mashimbu anji putu haze aulakenyene. Mu Samu 16, twakutangamo maliji a Ndawichi ngwo: “Kuchi kuhichika mwono wami muma mwa afu. Mwe musandu we kuchi kumutayiza kumona kupola.” (Samu 16:10) Ndawichi kakambile ngwenyi iye te kechi kafwa, nawa kechi kusala muma mwa afu. Liji lia Zambi linalumbununa kanawa ngwo, Ndawichi kapwile kashinakaji nawa yafwa, chocho yaya ni kuhwima ni “tulamba twenyi. Yamufunda mu limbo lia Ndawichi.” (1 Mianangana 2:1, 10) Mba versu yino hali iya yinatale?
11. Ha shimbu lika Petulu alumbunwine Samu 16:10?
11 Muze Ndawichi asonekene maliji wano, kwapalikile kanunu wa miaka, mba Petulu yalumbununa yoze te Samu 16:10 yinatale. Ha jimwe poso, muze Yesu te hafwa ni kumuhindwisa, Petulu yahanjika ni tununu twa A-Yunda hamwe ni akwa-mavungu waze te afuliela. (Tanga Yilinga 2:29-32.) Iye yaewulula ngwenyi Ndawichi kafwile nawa yamufunda. Nawa Mbimbiliya kuyambile ngwo amwe akuli ayo kakatayijile muze Petulu anakawezela ngwenyi, Ndawichi “nikuchimona shimbu-kanda yahanjika ha uhindukilo” wa Mesaya.
12. Kuchi Samu 16:10 yamanunukine, nawa kuchi yino yinatwehe shindakenyo ha chilakenyo cha uhindukulo?
12 Petulu kalemesele nyonga lienyi ha kutongwola maliji a Ndawichi ali ha Samu 110:1. (Tanga Yilinga 2:33-36.) Nyonga lia Petulu ha Yisoneko yino liakwashile mbunga yinene kunyingika ngwo, Yesu te ‘Mwene nawa Kristu.’ Atu yanyingika ngwo Samu 16:10 yamanunukine muze ahindwishile Yesu ku kufwa. Kulutwe, postolo Paulu yazachisa uchela wowene muze ahanjikile ni A-Yunda mu mbonge ya Andiakia ni Piseteya. Chino chaakomwesene, chocho yazanga kupanjeka yuma yinji. (Tanga Yilinga 13:32-37, 42.) Yino yatamba kutwaha shindakenyo ngwo uprofeto wacho wa Mbimbiliya hakutwala ku uhindukilo wa kulutwe lia matangwa uli wamwenemwene chipwe ngwe wamanunukine ha miaka yinji kunyima.
HA SHIMBU LIKA UHINDUKILO MUUKALINGIWA?
13. Yihula yika mutuhasa kulihula hakutwala ku uhindukilo?
13 Chili utakamiso kunyingika ngwetu uhindukilo muuhasa kulingiwa ha kupalika cha miaka yinji chize haze awambile. Nihindu, amwe mahasa kuhula ngwo: ‘Shina chino chinalumbunuka ngwo natamba kushimbwila miaka yinji mba ngukamone asoko jami? Mba ha shimbu lika uhindukilo muukalingiwa?’ Ivenu, Yesu kalwezele apostolo jenyi ngwenyi kuli yuma yize ayo te kechi kuhasa kunyingika. Yuma yacho, yimwe te yinatale ku “tungonde ni miaka, yize mwe Tata asele mu chiyulo chenyi mwene.” (Yilinga 1:6, 7; Yoano 16:12) Chipwe chocho, tuli ni jimwe sango hakutwala ku shimbu lize uhindukilo muukalingiwa.
14. Kuchi uhindukilo wa Yesu walisa ni uze waliangile kulingiwa?
14 Uhindukilo ulemu chinji uze anatongwola mu Mbimbiliya uli wa Yesu. Nyi kakahindukile ku kufwa, kachi te niumwe wakuhi te mapwa ni kutalatala cha uhindukilo. Atu waze ahindwishile kulutwe lia Yesu ngwe, waze ahindwishile kuli Eliya ni Elisha, kakatwamine ni mwono wa mutolo. Ayo kafwile nawa yapwa fufuta mu fuka. Alioze Yesu ‘hanamuhindwisa hakachi ka afu.’ Iye “keshi kufwa nawa; kufwa kuchishi A-Roma 6:9; Usolwelo 1:5, 18; A-Kolosu 1:18; 1 Petulu 3:18.
chiyulo hali iye nawa.” Mu malilu, iye kali “ni mwono ndo ku miaka ya mutolo.”—15. Mumu liaka Yesu amuvulukile ngwo “muhuko utangu”?
15 Uhindukilo wa Yesu ngwe mutu wa spiritu mu malilu, uli utangu ha uhindukilo wacho, nawa ulemu chinji. (Yilinga 26:23) Alioze, te hi iye ko wika ahindwishile ni kuya mu malilu. Yesu kalakenyene ngwenyi apostolo jenyi ashishika te makayula hamwe nenyi mu malilu. (Luka 22:28-30) Alioze te ayo matambula wika fweto lio muze mafwa. Hachino, ngwe Yesu, ni ayo te maahindwisa ni mijimba ya spiritu. Paulu yasoneka ngwenyi, “Kristu hanahinduka hakachi ka afu, muhuko utangu wa kuli waze hanayi tulo.” Hachino, Paulu yamba ngwenyi, te mukupwa atu akwo waze maahindwisa ni kuya mu malilu hakwamba ngwenyi: “Mutu mweswe mu ngango yenyi: Kristu we muhuko utangu; mba kulutwe akwa Kristu ha kwiza chenyi.”—1 A-Korindu 15:20, 23.
16. Yika yinatukwase kunyingika shimbu lize uhindukilo wakuya mu malilu te muulingiwa?
16 Maliji a Paulu kanatukwase kunyingika shimbu lize uhindukilo wakuya mu malilu te muulingiwa. Te muulingiwa ha kwiza cha Kristu. Ha miaka yinji, Yela ja Yehova kakusolola ngwo, kulita ni Mbimbiliya “kwiza” cha Kristu chaputukile ha mwaka 1914. Ni haliapwila tuchili ha “kwiza” cha Yesu, nawa songo lia yuma ya mwakono hiliakundama.
17, 18. Yika muyikalingwa kuli akwa-Kristu amwe akuwayisa ha kwiza cha Kristu?
17 Mbimbiliya yakulumbununa kanawa uhindukilo mu malilu, ngwo: ‘Kutwazangile nukalajale ha kutwala kuli waze hanayi tulo twa kufwa . . . Mumu nyi tunafuliela ngwetu, Yesu yafwa, yahinduka, chocho waze nawa hanayi tulo twa kufwa, Zambi kumakaaneha hamwe nenyi . . . Yetu tuli ni mwono, twasala ndo ku kuheta cha Mwene, kutuchi katetekela nichimwe waze hanayi tulo twa kufwa. Mumu Mwene, iye mwene, kumakahulumuka mwilu, ni liji lia mutambi, . . . mba afu muli Kristu kumakalianga kuhinduka. Mba kulutwe, yetu tuli ni mwono, twasala, kumakatupindumuna hamwe no mu malelwa, mukutakana ni Mwene mu tetela.”—1 A-Tesalonika 4:13-17.
18 Uhindukilo utangu te muuputuka ha amwe mashimbu akwiza cha Kristu. Akwa-Kristu akuwayisa waze makatwama ha mashimbu a luyinda munene, ‘kumakaapindumuna hamwe no mu malelwa.’ (Mateu 24:31) Yika maliji wano analumbunuka? Kanalumbunuka ngwo, waze ‘makapindumuna’ kechi kaya ‘tulo twa kufwa,’ chekwamba kechi kashimbula chinji mu ufwe. Hachino, muze mafwa, ayo ‘makaalumuna, susumuku, ha kukamuna cha liso, ha chitavwi cha kusula.”—1 A-Korindu 15:51, 52.
19. ‘Uhindukilo uka upema’ kuhiana?
19 Musono, kuli akwa-Kristu anji ashishika waze hi akuwayisa ko nawa keshi kwaatongwola hanga akayule ni Kristu mu malilu. Alioze, kanashimbwila “tangwa lia Yehova,” muze makahwisa upi weswe hano hashi. Kukushi niumwe unanyingika shimbu lize songo muliza, alioze yuma yize yinalingiwa musono yinasolola ngwo, songo 1 A-Tesalonika 5:1-3) Muze Paraisu muyiza, mukukalingiwa uhindukilo walisa. Ha shimbu liacho, atu makaahindwisa hano hashi ni kupwa ni kutalatala cha kupwa atu angunu waze kechi keza kafwa nawa. Uno muukapwa “uhindukilo upema” chinji kuhiana uze walingiwile ku shakulu, mumu ku shakulu atu jacho kafwile nawa cheka.—A-Hepreu 11:35.
linakundama. (20. Mumu liaka mutuhasa kufuliela ngwetu uhindukilo muukapwa wakululieka kanawa?
20 Mbimbiliya yinambe ngwo waze makahindwisa ni kuya mu malilu “mutu mweswe mu ngango yenyi.” (1 A-Korindu 15:23) Kashika mutuhasa kufuliela ngwetu uhindukilo wa hano hashi ni wayo muukapwa wa kululieka kanawa. Hachino, mutuhasa kulihula ngwetu: Shina atu waze anafu haliapwila makaahindwisa ku uputukilo wa Kuyula cha Kanunu Umuwika wa Kristu nawa makaatambwisa kuli waze anaanyingika? Kutala malunga ashishika aku shakulu waze te tusongo a mana makalianga kwaahindwisa hanga akakwase kululieka atu ja Zambi mu paraisu? Yika muyikalingiwa kuli atu waze te keshi kuwayila Yehova? Ha mashimbu aka, nawa kulihi makaahindwishila? Kuli yihula yinji yize mutuhasa kulihula. Alioze kutwatambile kulipikala haliapwila hakutwala ku yuma yacho. Muchilita tushimbwile wika tukamone ni meso jetu. Mutuhasa kufuliela ngwetu muchikawaha chinji kumona chize Yehova makalinga yuma yacho.
21. Kutalatala che chika?
21 Shimbu yuma yacho kanda yilingiwa, twatamba kukolesa ufulielo wetu muli Yehova. Mumu iye hanalakenya kupalikila muli Yesu ngwenyi afu kali mu manyonga Jenyi nawa ngwenyi makaahindwisa cheka. (Yoano 5:28, 29; 11:23) Mba asolole nawa ngwo Yehova makahindwisa afu, Yesu ngwenyi, Apalahama, Izake ni Yakomba “eswe katwama ni mwono kuli iye.” (Luka 20:37, 38) Hachino, tuli ni yitela yinji yipema hakwamba ngwe chize ambile postolo Paulu ngwenyi: “Ngunafuliela Zambi . . . kumukukapwa uhindukilo.”—Yilinga 24:15.