Yetu eswe tuli ni mashimbu akehe akulinga longeso lia wika. Yika mutuhasa kulinga mba tuyuke chinji ha longeso liacho? Chitangu, kanda ulinga yuma kapupushi. Muchilita kulilongesa yuma yikehe, ni kulihulikila chinji ha yuma yacho kuhiana kulilongesa yuma yinji, alioze kapupushi.

Hachino, tesa yize mulianga kulilongesa. (Efwe. 5:15, 16) Tala ukwaso uno muhasa kukaula:

• Tanga Mbimbiliya matangwa eswe. (Samu 1:2) Muhasa kukaula katalilo wa kutanga Mbimbiliya wa kukunguluka cha Mwono ni Mulimo Wetu.

• Pwako ni kululieka Longeso lia Kaposhi wa Kutalila ni kukunguluka cha Mwono ni Mulimo Wetu. Lilulieke kanawa hanga ukahane kumbululo.—Samu 22:22.

• Nyi uli ni shimbu, sako tachi hanga utange-tange mikanda yaha yize yinatuhuka, ngwe tuposhi a mbunga, yinema ni yikuma yize akusa wika ha site jw.org.

• Lilongese yikuma yize wakuzanga. Muhasa kuhengwola hakutwala ku umwe kapinda yoze unapalika, kuyambashana chize unazange kuhwisa chipwe lusango wa mu Mbimbiliya yoze unazange kunyingika kanawa. Mba unyingike yize tunambe, tanga chikuma, “Exercícios Bíblicos” ha site jw.org.