KAPOSHI WA KUTALILA— WAKULILONGESA
Junho de 2017
Kaposhi yono kali ni mitwe ya kulilongesa ha Julho 31 ndo Agosto 27, 2017.
Yehova Kakututakamisa mu Lamba Lietu Lieswe
Yipikalo yika akwa-Kristu waze alimbata mahasa kupwa nayo mu ulo ni mu usoko wo musono? Nyi unamono yipikalo yacho, mba kuchi munuhasa kupwa ni utakamiso wa Zambi?
Sako Mbunge Ye ku Upite wa ku Spiritu
Upite uka twatamba kuzanga chinji, nawa kuchi mutuhasa kuchilinga?
Nunga ni Kukwasa Wata wa Yehova
Chikuma chika chilemu chize chinatale atu eswe? Mumu liaka chili chilemu kuli yena kulihulikila ha chikuma chacho?
Kalila Wata wa Yehova!
Kuchi mwono we muupwa ni mutayiza Yehova ngwe mukwa-kuyula mupema wa malilu ni hashi?
Unachinyingika Nyi?
Mumu liaka Yesu ambile ngwenyi akwa-kulanjisa tushitu mu tembele te “mihuza”?
Shina Mutuhwisa Kapalia Hanga Tupwe ni Sambukila?
Atu waze keshi kutalatala no kanafupiwa sambukila. Alioze, muze malitakana ni yimwe yize muyeseka utu wo, anji akuli ayo kakulinga yuma yakuhona sambukila. Kuchi yena muhasa kwehuka yitanga yacho?
