Tanga Uputukilo 37:23-28; 39:17-23 hanga unyingike chize Yosefwe ahashile kunyongonona mu yuma yipi.

Hengwola lusango mweswe. Mumu liaka atu akwo alingile yuma yipi kuli Yosefwe? (Uputu. 37:3-11; 39:1, 6-10) Ha miaka yingahi Yosefwe atambile kunyongonona mu kulinga yuma yipema? (Uputu. 37:2; 41:46) Yika Yehova alingilile Yosefwe mashimbu jacho, alioze yika kakamulingililile?—Uputu. 39:2, 21; w23.01 17 ¶13.

Hengwola Kanawa. Chipwe ngwe yize pwo lia Potifwa ambile hali Yosefwe te hi yamwenemwene ko, nihindu Mbimbiliya kuyishi kutulweza ngwo, Yosefwe kalikalilile ha mahuza jacho. Kuchi yisoneko yinahateho muyihasa kutukwasa tumone yize yatwalile Yosefwe mba ahone kuhanjika niyimwe hanji kumona ngwetu, kutwatambile kushimbwila yikuma yinji ha lusango yono? (Yishi. 20:2; Yoa. 21:25; Yili. 21:37) Yitanga yika yakwashile Yosefwe mba ahase kukumba yuma yacho yipi?—Mika 7:7; Luka 14:11; Tia. 1:2, 3.

Fupa kuwana malongeso. Lihule ngwe:

• ‘Yuma yika yipi munguhasa kupalika mumu lia kupwa kambaji ka Yesu?’ (Luka 21:12, 16, 17; Hepre. 10:33, 34)

• ‘Yika munguhasa kulinga haliapwila hanga nguhase kukumba yihungumiona yeswayo muyisoloka ku mwono wami?’ (Samu 62:7, 8; 105:17-19; w19.07 2-7)