Yize Atu Akwamba Hakutwala ku Yilemba
MARIA yamba ngwenyi; “Muze nakulemba nakumona ngwami, Zambi kali sali liami, kanangukwate ku kwoko ni kungusongwela muze ngunahongo.”
RAUL yamba ngwenyi; “Mukwetu pwo kafwile ni musongo wa Câncer, kapinjile ni musongo wacho ha miaka 13. Ngunewuluka chize napwile ni kulemba kuli Zambi matangwa eswe, nawa te nakumona ngwami kanangupanjika ni kunyingika chize te ngunevu, ha chino te nakulivwa kanawa.”
ARNE yamba ngwenyi; “Kulemba chili chawana cha Zambi chize ahanyine kuli atu.”
Maria, Raul, Arne ni atu akwo, kakulemesa chinji chawana chino cha kulemba. Ayo kananyingika ngwo, mahasa kuhanjika ni Zambi, kumusakwilila ni kufupa ukwaso wenyi kupalikila mu yilemba. Kakufuliela ha chilakenyo cha mu Mbimbiliya chinambe hakutwala kuli Zambi ngwo: “Lino lie hamu tuli nalio kuli iye, nyi kachi mutwita chuma chimwe cha kulita ni upale wenyi, aye matwivwa.”—1 Yoano 5:14.
Alioze, atu anji chakwakalila kutayiza yize Mbimbiliya yakwamba hakutwala ku kulemba. Steve yamba yize apwile ni kunyonga hakutwala ku yilemba ngwenyi: “Muze napwile ni miaka 17, masepa jami atatu yafwa ku ponde, umwe kafwile ku ponde ya mashinyi, akwo aali yafwila mu kalunga-lwiji.” Mba yika Steve alingile? Iye yamba ngwenyi, “Nalembele hanga Zambi angukwase ngunyingike mumu liaka yino yeswe yinakalingiwa, alioze kakangukumbulwile. Hachino, yingulihula ngwami, Shina kulemba chikwete ulemu?” Muze atu anji akumona ngwe yilemba yo kayikumbulwile, kakulihula ngwe, shina kulemba chikwete ulemu?
Kuli nawa yikuma yikwo, yize yakutwala atu anyonge ngwo, kulemba kuchishi ni ulemu. Atu amwe kakwamba ngwo, Zambi kananyingika yuma yeswe, kananyingika yize tunafupiwa ni yipikalo yetu, kashika kushi ulemu wa kumulwezayo nawa.
Eka kakwamba ngwo, Zambi keshi kwivwa yilemba yo mumu lia yuma yipi yize alingile kunyima. Jenny yamba ngwenyi: “Nakulivwa ngwe kuchishi ni ulemu. Nakulihisa ha yuma yipi yize nalingile kunyima, ha chino, nakutayiza ngwami, Zambi kechi kwivwa yilemba yami.”
Mba yena, yika wakunyonga ha kutwala ku yilemba? Nyi hiunapu ni manyonga ngwe wano twevwa hakutwala ku kulemba, muhasa kuwana utakamiso ha kunyingika ngwe, Mbimbiliya muyihasa kukukwasa ha chikuma chino. Mutuhasa kufuliela ha sango ja mu Mbimbiliya jize jakuhanjika hakutwala ku kulemba, * muyihasa kukukwasa kuwana kumbululo lia yihula yino:
-
Shina Zambi kakwivwa yilemba yetu?
-
Mumu liaka yilemba yimwe keshi kuyikumbulula?
-
Kuchi muhasa kulemba mba Zambi akwivwe?
-
Kuchi kulemba muchihasa kukukwasa?
^ kax. 9 Mu Mbimbiliya muli yilemba ya tuvumbi anji a Zambi, muli nawa yilemba ya Yesu Kristu. Mu Yisoneko ya Hepreu yize avuluka ngwo, Usendo Ukulu, muli unji wa yilemba kuhiana 150.
Kota Muzanga Chinji Yuma Yize Mumona
YIZE AKWEZE AKUHULA
Shina Chili Lume Chilemu Kulemba?
Shina kulemba chili wika chuma chize twakulinga hanga tulivwe kanawa nyi chuma chikwo nawa?
