Ndiapu yika nawa iya?
Ndiapu iya?
Shina Muwamba Ngwe Ndiapu kali . . .
Spiritu ya mutu?
Chimwe chilayi cha upi mu mbunge ya mutu?
Manyonga ja mutu?
YIZE MBIMBILIYA YAKULONGESA
Ndiapu kahanjikile ni Yesu ni “kumweseka.” (Mateu 4:1-4) Kashika Ndiapu hi manyonga ko hanji chilayi wika cha upi. Aye kali mungelo wa chingulungulu.
YIKA MUTUHASA NAWA KULILONGESA MU MBIMBILIYA?
Ndiapu kapwile mungelo musandu, alioze “kamanyine mu umwenemwene” (Yoano 8:44) Aye yapwa mukwa-mahuza ni kulimika ni Zambi.
Angelo akwo yalichinga hamwe nenyi ha uhulia wenyi.—Usolwelo 12:9.
Ndiapu kanapupuchisa atu anji, ha upi wenyi.—2 A-Korindu 4:4.
Shina Ndiapu mahasa kuyula atu?
ATU AMWE KAKWAMBA NGWO Ndiapu keshi kuyula atu, alioze akwo kakwivwa woma ngwo ayo kali ni spiritu yipi. Yika mba yena wakunyonga?
YIZE MBIMBILIYA YAKULONGESA
“Hashi heswe hali mushi lia chiyulo cha mwe chingulungulu.” (1 Yoano 5:19) Ndiapu kakwete ndundo jinji hali atu, alioze iye keshi kuyula atu eswe.
YIKA MUTUHASA NAWA KULILONGESA MU MBIMBILIYA?
Ndiapu kakuzachisa mahuza hanga okese upi wenyi.—2 A-Korindu 11:14.
Spiritu yipi muyihasa kusongwela mutu.—Mateu 12:22.
Ni ukwaso wa Zambi, yena muhasa “kulimika ni Ndiapu.”—Tiangu 4:7.
Mba unyingike nawa tala kapitulu 10 wa mukanda uno, wakufwambwisa kuli Yela ja Yehova
Uli nawa ha www.pr418.com
Kota Muzanga Chinji Yuma Yize Mumona
KUMBULULO LIA YIHULA YA MU MBIMBILIYA
Shina Ndiapu Kali Wamwenemwene?
Shina Ndiapu kali manyonga api mu mbunge ya mutu nyi kali lume mutu wamwenemwene?
