Hashi heswe hali atu anji waze akufupa kulia ni chihela hanga atwame. Alioze amwe kanafupiwa wika kutalatala cha kulutwe lia matangwa. Zambi kanazange hanga atu alikwase umwe ni mukwo. Yiwape yika Zambi matwaha nyi mutukwasa akwetu?

“Mukwa kwivwila keke yiswale kakuhana kuli Yehova; chitanga chenyi chipema mamukundululacho.”—YISHIMA 19:17.

Yesu ketele chishima cha umwe lunga yoze apupwile kuli eji ni kumuhichika ni chonono. (Luka 10:29-37) Chilambala yoze wapalikile mu tapalo yacho mwe wamukwashile. Chilambala yono, kakwashile lunga wacho chipwe ngwe kapwile wa ku munyachi weka ni yingeleja yeka.

Kuchizako ukwaso uze amwehele wa kumutwala ku shipitali hanga amuwuke yilonda, chilambala yono katakamishine nawa lunga wacho.

Yika mutuhasa kulilongesa ha chishima chino? Yesu kasolwele ngwenyi, twatamba kulinga yize mutuhasa hanga tukwase akwetu. (Yishima 14:31) Mbimbiliya yakulongesa ngwo, kwasala hakehe Zambi mahwisa uswale ni lamba. Alioze muhasa kulihula ngwe: Kuchi Zambi makachilinga? Mutwe uze musulaho, musolola yiwape yize Sakatanga yetu wa zango makatwaha kulutwe lia matangwa.