Yika Mbimbiliya Yakulongesa?
Armagedone Yika?
Atu amwe kakunyonga ngwo . . .
yili unongeso wa hashi heswe uze muukanongesa atu ni mata hanji mbomba nuclear. Yika Wanyonga?
Yize Mbimbiliya yakulongesa
Armagedone yili chilayi cha chihela cha “jita ya tangwa linene lia Zambi Mukwa-Ndundo-Jeswe,” ye makanongesa nacho yingulungulu.—Usolwelo 16:14, 16.
Yika Mutuhasa kulilongesa nawa mu Mbimbiliya?
Jita ya Zambi, Armagedone, kuyichi kanongesa hashi, alioze muyikalamwina hashi ku moko ja yingulungulu.—Usolwelo 11:18.
Jita ya Armagedone muyikahwisa jita jeswe.—Samu 46:8, 9.
Shina mutuhasa kulilamwina ku jita ya Armagedone?
Yika te muhasa Kwamba?
Ewa
Ka
Kota
Yize Mbimbiliya yakulongesa
“Mbunga yinene” ya atu a ku mavungu eswe makaalamwina mu “luyinda munene” yoze makahwa mu jita ya Armagedone.—Usolwelo 7:9, 14.
Yika mutuhasa nawa kulilongesa mu Mbimbiliya?
Zambi kanazange kulamwina atu anji mu jita ya Armagedone. Halioze iye makanongesa yingulungulu nyi ayo kalikonyekene.—Ezekiele 18:32.
Mbimbiliya yinatulweza yize twatamba kulinga mba akatupulule mu jita ya Armagedone.—Zefania 2:3.
Kota Muzanga Chinji Yuma Yize Mumona
KUMBULULO LIA YIHULA YA MU MBIMBILIYA
Jita ya Armagedone Yika?
Liji Armagedone liakusoloka kamuwika mu Mbimbiliya, alioze jita yacho kakuyihanjika ha yisuho yinji mu yisoneko.
