KAPOSHI WA KUTALILA— WAKULILONGESA
Agosto de 2017
Kaposhi yono kali ni mitwe ya kulilongesa ha Setembro 25 ndo Outubro 22, 2017.
Shina Uli ni Mbunge ya Kushimbwila ni Uhumikizo Weswe?
Tuvimbu ashishika a Yehova ku shakulu kahule shimbu lize te manyongonona mu yipikalo, chipwe chocho Zambi kakaahishile mumu lia yihula yize o ahulile.
“Sambukila ya Zambi . . . Yakuhiana Kunyonga Cheswe”
Shina hi unalihula mumu liaka Zambi akwecha yimwe yipikalo ya susumuku hanga yilingiwe ku mwono we? Nyi hi unalihula, yika muyikukwasa mba unyongonone ni kupwa ni kufuliela muli Yehova?
Chize Twakuzula Utu Ukulu ni Kuumbila
Kuzula utu ukulu kuchili chuma cheka, nawa chinene kuhiana kuumbila kusuku. Kuchi mutuhasa kulinga yuma yino yaali, chipwe ngwe te twakulinga chinji yuma yipi?
Chize Twakuzala Utu Waha ni Kuufunga
Ni ukwaso wa Yehova yena muhasa kupwa mutu yoze iye anazange hanga upwe. Chakutalilaho, tala majila apema waze muhasa kusolwelamo keke, utu, kulikehesa, kushimbika.
Zango—chimwe chitanga chilemu
Mbimbiliya yakusolola pundu ngwo zango liapwa chitanga cha spiritu yisandu ya Yehova. Mba zango yika linalumbunuka? Kuchi muhasa kupwa ni zango? Nawa kuchi muhasa kulisolola hita tangwa?
Yihula Ya Waze Akutanga Mikanda Yetu
Mumu liaka sango ja Mateu ni Luka hakutwala ku miaka yitangu ya mwono wa Yesu jalisa?
