Yika Mbimbiliya Yakulongesa?
Shina Zambi Kakukumbulula Yilemba Yeswe?
SHINA MWAMBA NGWE KAKUKUMBULULA YILEMBA YA . . .
Atu eswe
Amwe atu
Niumwe
YIZE MBIMBILIYA YAKULONGESA
“Yehova hakamwihi ali ni waze eswe akutambika kuli iye . . . mu umwenemwene.”—Samu 145:18.
YIKA MUTUHASA NAWA KULILONGESA MU MBIMBILIYA?
Zambi keshi kukumbulula yilemba ya waze akulimika nenyi. (Izaia 1:15) Alioze, mahasa ‘kulivwashana’ ni iye ha kwalumuna mwono wo.—Izaia 1:18.
Mba Zambi akumbulule yimwe yilemba, yatamba kulita ni shimbi jenyi, jize jili mu Mbimbiliya.—1 Yoano 5:14.
Shina kuli mutapu umwe ulemu uze twatamba kupwa hakulemba?
ATU AMWE KAKUTAYIZA ngwo o mahasa mashimbu eswe kusa makungunwa hashi, kuhetamisa mitwe yo, hanji eswe kulikwata ku moko muze analembe. Mba ena kuchi wakunyonga?
YIZE MBIMBILIYA YAKULONGESA
Zambi kakutayiza hanji kwivwa yilemba ya waze ‘akutwama’ hanji waze ‘akumana’ chipwe waze ‘akufulamana’ hanji waze ‘akuliumba.’ (1 Sango ja Mianangana 17:16; 2 Sango ja Mianangana 30:27; Ezera 10:1; Yilinga 9:40) Aye keshi kutwaha mutapu umuwika ulemu uze twatamba kupwa muze tunalemba.
YIKA MUTUHASA NAWA KULILONGESA MU MBIMBILIYA?
Zambi kakupanjika wika atu waze alikehesa.—Samu 138:6.
Ena muhasa kulemba mu limi lieswalio chipwe mu mbunge.—2 Sango ja Mianangana 6:32, 33; Nehemia 2:1-6.