MUHASA KUTEPULULA KUSAKALALA
Mwono Uze Kuushi Kusakalala
Yiyulo ya mu Mbimbiliya muyihasa kukukwasa kutepulula kusakalala. Chipwe ngwe kutuchi kuhasa kuhwisa yuma yeswe yize yakututwala mba tusakalale, nihindu Sakatanga yetu mahasa kuyihwisa. Iye hanasakula Yesu hanga atukwase. Muze apwile hano hashi, Yesu kalingile yuma ya kukomwesa. Alioze kulutwe, makalingila atu yuma yinji yipema hano hashi. Chakutalilaho:
YESU MAKAUKA ATU NGWE CHIZE ALINGILE KUNYIMA.
“Yaneha kuli iye waze eswe ayiza misongo yeka ni yeka . . . , mba yaauka eswe.”—MATEU 4:24; NWT.
YESU MAKAHANA YIHELA YA KUTWAMA NI KULIA KULI ESWE.
Ayo [waze makayula kuli Kristu] “kumakatunga mazuwo ni kutwamamo; kumakatumba minda ya uva ni kulia ye mihuko yamo. Kechi katunga hanga akwo akatwamemo, kechi katumba hanga akwo akalieko.—IZAIA 65:21, 22.
UNGUVULU WA YESU MUUKANEHA SAMBUKILA NI UKULUNGUNGA HANO HASHI.
“Ha matangwa jenyi akwa ululi kumakawaha [ni] kulumbama cha sambukila ndo kakweji wakuhi nawa. Kumakapwa ni chiyulo chize ku kalunga-lwiji ndo ku kalunga-lwiji; chize ku lwiji Ufrateze ndo ku masongo a hashi. . . . Akwa kole jenyi kumakalesa fufuta.”—SAMU 72:7-9.
YESU MAKAHWISA UPI WESWE.
“Chiswale ni mukwa kuhona kumakaavwila keke. Kumakalamwina mwono wa waze anahono. Kumakakuula mwono wo ku yihungumiona ni uswi.”—SAMU 72:13, 14.
YESU MAKAHWISA LAMBA NI KUFWA
“Kufwa kuchichi kapwa nawa; kukuchi kapwa nawa kunenganyana, chipwe miteto, chipwe yikola, ka.”—USOLWELO 21:4.
