Kumbululo lia Yihula ya Mbimbiliya
Shina Zambi mahasa kukonekena shili yetu?
Kupwa ni utayizo wa Yehova hi chikalu chinji ko
Mbimbiliya yakwamba ngwo, atu eswe kali yihenge. Twahingile shili yacho kuli lunga mutangu, Alama. Amu tuli yihenge, kanji-kanji twakulinga yuma yipi mba kulutwe mutuliseha. Alioze, shili yetu mahasa kuyikonekena. Mwana wa Zambi, Yesu Kristu, kafwile hanga atukuule. Chino chapwile chawana cha Zambi kuli yetu.—Tanga A-Roma 3:23, 24.
Atu waze alingile shili yinene kakulihula nyi chamwenemwene lume Zambi mahasa kwakonekena. Chili chipema kunyingika ngwo Mbimbiliya yakwamba ngwo: “Manyinga a Yesu Mwanenyi kakutupemesa ku shili yeswe.” (1 Yoano 1:7) Yehova kanazange kukonekena shili yeswayo nyi mutulikonyeka.—Tanga Izaia 1:18.
Yika twatamba kulinga mba atukonekene?
Nyi tunazange hanga Yehova Zambi atukonekene, twatamba kulilongesa hakutwala kuli iye, hakutwala ku chize akunyonga ni ha shimbi jenyi. (Yoano 17:3) Yehova kakukonekena ni mbunge yeswe eswe waze akulikonyeka ni kwalumuna yitanga yo.—Tanga Yilinga 3:19.
Kupwa ni utayizo wa Yehova hi chikalu chinji ko. Yehova kananyingika ulelu wetu. Iye kali Zambi mukwa-keke. Kunyingika zango lia Yehova chakutukwasa kuzanga kumunyingika kanawa?—Tanga Samu 103:13, 14.