Kumbululo lia Yihula ya Mbimbiliya
Yika ya kulingisa atu anji kunyonga ngwo Sakatanga kwali?
Shina kupwa ni mwono hi chikomokeso ko nyi?
Ha miaka 3,000 kunyima, umwe mukwa-kwimba yasoneka ngwenyi: “Chize wangutangile chakukolesa woma, chapwa chikomokeso.” (Masamu 139:14) Muze munyonga chize mwana akuputuka kukola mu jimo lia naye, chino kuchishi kukukomwesa? Atu anji kafuliela ngwo yuma yeswe yikwete Sakatanga.—Tanga Masamu 139:13-17; A-Hepreu 3:4.
Yoze watangile malilu ni hashi iye nawa watangile mwono. (Masamu 36:9) Iye hanahanjika ni atu ni kutulweza hakutwala kuli iye.—Tanga Izaia 45:18.
Shina twakatukile kuli tushitu?
Ewa mijimba yetu yalifwa chinji ni ya tushitu. Alioze chino chinasolola ngwo atu ni tushitu kaatangile kuli Sakatanga hanga atwame hano hashi. Zambi katangile mutu, hi kukatuka ku tushitu ko alioze ku fufuta.—Tanga Uputukilo 1:24; 2:7.
Atu kalisa ni tushitu ha yikuma yaali yilemu. Chitangu, atu kali ni uhashi wa kunyingika, kuzanga ni kuvumbika Sakatanga. Chamuchiali, tushitu kakatangile atwame miaka eswe, alioze atu wika atangile ni uhashi wacho. Alioze atu kakufwa ha mukunda wa mutu mutangu yoze wehukile usongwelo wa Sakatanga.—Tanga Uputukilo 1:27; 2:15-17.
Kota Muzanga Chinji Yuma Yize Mumona
KUMBULULO LIA YIHULA YA MU MBIMBILIYA
Shina Zambi Kwali?
Mbimbiliya yakusolola yuma 5 yize yakutwaha shindakenyo ngwo kwatwama umwe Sakatanga.
