Kumbululo lia Yihula ya Mbimbiliya
Shina mutukeza kama kapwa ni umwe wanangana umuwika wa hashi heswe?
Kuchi wanangana wa hashi heswe muuhasa kununga atu aku mavungu eswe? Izaia 32:1, 17; 54:13
Achinyonga kama chize wanangana wa hashi heswe muuhasa kuyukisa atu. Musono atu anji kakumona lamba mumu kali yiswale, alioze atu akwo kali pichi. Alioze wanangana wa hashi heswe uze wanyingika yize atu anafupu muuhasa kukwasa atu eswe. Shina limwe tangwa atu makapwa ni umwe wanangana wapwa chocho?—Tanga Jeremia 10:23.
Chize ku shakulu, manguvulu a hano hashi keshi kuhasa kufunga atu kanawa chipi-chipi yiswale. Manguvulu akwo kali api chinji. (Chilumbununyi 4:1; 8:9) Alioze Zambi Mukwa-Ndungo Jeswe hanalakenya kuneha umwe wanangana uze muukasalakana ha mawanangana eswe. Mwanangana wamo makafunga kanawa atu.—Tanga Izaia 11:4; Daniele 2:44.
Yika Wanangana wa Zambi muukalinga?
Yehova Zambi hanasakula Mwanangana mupema, kali Mwanenyi, Yesu. (Luka 1:31-33) Muze Yesu apwile hano hashi iye te kakukwasa atu. Amu ali Mwanangana iye makanunga atu a ku mavungu eswe ni kuhwisa lamba lieswe.—Tanga Masamu 72:8, 12-14.
Shina eswe kakutayiza Yesu ngwe Mwanangana? Ka. Alioze Yehova kali mukwa-uhumboloji. (2 Petulu 3:9) Iye kanakwasa atu hanga atayize Yesu ngwe Mwanangana wo. Kwasala hakehe, Yesu makanongesa atu eswe api ni kuneha sambukila ni ukulungunga.—Tanga Mika 4:3, 4.
Kota Muzanga Chinji Yuma Yize Mumona
KAPOSHI WA KUTALILA
