MALONGESO A CHIFUKILO | YELA JA YEHOVA AYA?
Yika Yela ja Yehova Afuliela?
Yela ja Yehova kafuliela ngwo, “Yisoneko yeswe yapwa we mwiku wa Zambi, neyo kuyafumbuka ha kulongesa.” (2 Timoteu 3:16) Etu twakuzachisa Mbimbiliya ngwe kasongwelo mupema hanga tulilongese hakutwala kuli Sakatanga ni chize twatamba kutwama kanawa ku mwono.
Mbimbiliya yinambe ngwo: “Akanyingike ngwo, yena wika uli ni jina lia Yehova, uli mwe Chitunda Helu lia hashi heswe.” (Samu 83:18) Kashika, twakuwayila wika Yehova Zambi nawa amu tuli Yela jenyi twakusa tachi hanga twambujole jina lienyi.—Izaia 43:10-12.
Amu tuli akwa-Kristu, twakufuliela ngwetu, Yesu kali “Mwana Zambi,” * yoze wejile hano hashi nawa yapwa Mesaya. (Yoano 1:34, 41; 4:25, 26) Muze Yesu afwile, kamuhindwishile yaya mu malilu. (1 A-Korindu 15:3, 4) Hi kulutwe lia matangwa, yapwa Mwanangana mu Wanangana wa Zambi. (Usolwelo 11:15) Wanangana wacho uli unguvulu wamwenemwene uze mukapwisa hashi heswe Paraisu. (Daniele 2:44) Mbimbiliya yinambe ngwo: “Akwa ululi kumakazuka chifuchi; kumakatwamamo ku miaka ya mutolo.”—Samu 37:11, 29.
Muze ayo akutanga mu Mbimbiliya, kakufuliela ngwo Zambi kanahanjika no. Muze akupinda ni milonga ku mwono wo, ayo kakufupa ukwaso mu Liji lia Zambi. . . . Mumu kuli ayo Liji lia Zambi nihindu lichili ni mwono.”—Ngana wa mu Católica Benjamin Cherayath, Münsterländische Volkszeitung umwe mukanda wa sango mu Alemanha
Yela ja Yehova kafuliela ngwo, shimbi ja Mbimbiliya mujihasa kukwasa atu chipwe musono. (Izaia 48:17, 18) Kashika twakukaula mu chimako mu chimako shimbi jacho. Ngwe chakutalilaho, amu Mbimbiliya yakututoweza hanga twehuke yuma yize yakupihisa manyonga ni mijimba yetu, kashika yetu kutushi kunwa makanya hanji yuma yeswayo muyihasa kupihisa mujimba. (2 A-Korindu 7:1) Yetu nawa twakwehuka yitanga yikwo yize Mbimbiliya yakukanjisa ngwe kuzengewa, upangala, ni wiji. 1 A-Korindu 6:9-11.
^ kax. 5 Mbimbiliya yinatongola nawa, Yesu ngwo “Mwana wa wika wa Zambi” mumu iye mwe chitangiwa chitangu yoze atangile wika kuli Yehova.—Yoano 3:18; A-Kolosu 1:13-15.
Kota Muzanga Chinji Yuma Yize Mumona
ESSENTIAL BIBLE TEACHINGS
Shina Zambi Jina Akwete?
Zambi kali ni yisanyiko yinji, ngwe Mukwa-Ndundo-Jeswe, Sakatanga, ni Mwene. Chinema chino chinasolola ngwo jina lia Zambi kalizachisa yisuho 7,000 mu Mbimbiliya.
