Kumbululo Lia Yihula Ya Mbimbiliya
Shina uswale muwiza kahwa hano hashi?
Kuchi Zambi Makahwisa Uswale Hano Hashi?—Mateu 6:9, 10.
Uswale kuunashihe atu anji ha mukunda wa zala ni yikola. Chipwe ngwe yifuchi yikwo yili ni upite unji, nihindu atu anji kali yiswale. Mbimbiliya yinasolola ngwo uswale waputukile kulu.—Tanga Yoano 12:8.
Mba uswale uhwe, ndo umwe unguvulu ukwete ndundo jinji ja kuhana yuma yize atu akufupa hano hashi. Unguvulu wacho watamba kumanyisa jita, mumu ye yakuneha uswale unji. Zambi hanalakenya unguvulu wacho wa hashi heswe.—Tanga Daniele 2:44.
Mba iya keve mahasa kuhwisa uswale?
Zambi hanatongola Mwanenyi Yesu, hanga ayule atu eswe hano hashi. (Samu 2:4-8) Yesu makalamwina yiswale nawa makahwisa lamba ni ungulungulu—Tanga Samu 72:8, 12-14.
Amu Yesu ali “Mwanangana wa Sambukila,” iye makaneha sambukila ni ukulungunga hano hashi. Mba hi atu eswe makatwama mu mazuwo jo, ni kuwahilila ni milimo yipema, nawa makapwa ni kulia chinji.—Tanga Izaia 9:6, 7; 65:21-23.