Kumbululo Lia Yihula Ya Mbimbiliya
Shina afu makahindwisa nyi?
Amu Sakatanga kali shima lia mwono, iye mahasa kuhindwisa atu
Yehova Zambi mwe Shima lia mwono. (Samu 36:9) Nyi Zambi mwe shima lia mwono, shina iye kechi kuhasa kuhindwisa atu waze afwile kulu nyi? Mbimbiliya yinatulweza ngwo Zambi che makalinga, kulutwe lia matangwa. (Tanga Yilinga 24:15) Mba mumu liaka iye makahindwisa atu?
Sakatanga wetu kazangile hanga atu atwame hashi ku miaka yeswe. (Uputukilo 1:31; 2:15-17) Chino che Zambi anazange hakutwala kuli atu. Alioze iye kakwivwa yikola ku mbunge hakumona chize twakupinda ni lamba musono, kashika aye kanazange kuhwisa lamba liacho kawashi-washi.—Tanga Yombi 14:1, 14, 15.
Atu waze makahindwisa kulihi makatwama?
Shina Zambi katangile atu hanga atwame mu malilu nyi? Ka. Aye katangile angelo hanga atwame mu malilu. Alioze atu kaatangile hanga atwame hano hashi. (Uputukilo 1:28; Yombi 38:4, 7) Ha chino, tutalenu kuze Yesu ahindwishile atu. Iye kahindwishile atu hano hashi. Kashika, atu anji waze makahindwisa kulutwe lia matangwa makatwama hano hashi.—Tanga Yoano 5:28, 29; 11:44.
Alioze, Zambi kakusakula amwe atu akehe waze mahindwisa hanga akatwame mu malilu, ayo makapwa angelo. (Luka 12:32; 1 A-Korindu 15:49, 50) Atu jacho makayula hashi hamwe ni Yesu ngwe mianangana.—Tanga Usolwelo 5:9, 10.
Kota Muzanga Chinji Yuma Yize Mumona
KAPOSHI WA KUTALILA
Kutalatala Cha Afu—Kuchi Yena Muuhasa Kupwa ni Ushindakenyo?
Mbimbiliya yinasolola yitela yaali yize yakukwasa kujikijila ku uhindukilo.
KUMBULULO LIA YIHULA YA MU MBIMBILIYA
Uhindukilo Yika Unalumbunuka?
Mukakomoka ha kumona atu waze makahindwisa kulutwe lia matangwa.
KUMBULULO LIA YIHULA YA MU MBIMBILIYA
Iya Makaya mu Malilu?
Longeso liakwamba ngwo, atu eswe apema makaya mu malilu hi liamwenemweneko. Mba yika Mbimbilita yakulongesa?
