Kumbululo lia Yihula ya Mbimbiliya
Shina mutuhasa kunyingika umwenemwene hakutwala kuli Zambi?
Zambi te kakuhanjika ni atu. Iye kazachishile spiritu yenyi yisandu, hanji tachi jenyi, hanga ase manyonga jenyi mu mbunge ja atu waze asonekene Mbimbiliya. (2 Petulu 1:20, 21) Mutuhasa kunyingika umwenemwene hakutwala kuli Zambi ni twatanga Mbimbiliya.—Tanga Yoano 17:17; 2 Timoteu 3:16.
Mu Mbimbiliya, Zambi kakusolola yuma yinji hakutwala kuli iye mwene. Iye kanalumbununa mumu liaka atangile atu, yize iye makalinga hali atu ni chize iye akuzanga hanga tupwe ku mwono wetu. (Yilinga 17:24-27) Yehova Zambi kanazange hanga yetu tunyingike umwenemwene hakutwala kuli iye.—Tanga 1 Timoteu 2:3, 4.
Mumu liaka Zambi akutambula kanawa atu waze akuzanga umwenemwene?
Yehova kali Zambi wamwenemwene, iye katumine Mwanenyi, Yesu, hanga alongese umwenemwene kuli atu. Kashika, waze akuzanga umwenemwene kakupanjika Yesu. (Yoano 18:37) Zambi kanazange hanga atu jacho apwe tuvumbi twenyi.—Tanga Yoano 4:23, 24.
Satana Ndiapu kanapiangula atu anji ha kuzachisa malongeso amahuza. (2 A-Korindu 4:3, 4) Atu waze keshi kuzanga yuma yipema, kakukaula malongeso jacho amahuza. (A-Roma 1:25) Alioze tununu twa atu waze akwete mbunge yipema kanawane umwenemwene hakutwala kuli Zambi ha kulilongesa Mbimbiliya.—Tanga Yilinga 17:11.
Kota Muzanga Chinji Yuma Yize Mumona
KWAMBUJOLA CHALIPWILA
Mumu Liaka Chatamba Kulilongesa Mbimbiliya?
Mbimbiliya hiyakumbulula yihula yilemu ya ku mwono ya tununu a tununu twa atu hashi heswe. Shina unzange kupwa umwe wa kuli ayo?
