MWASO 117
Kusolola Yitanga Yipema
(2 Sango ja Mianangana 6:41)
-
1. Ha upeme we, Yehova,
Wakutupala chinji!
Yehova uli musandu
Nawa kuwashishika.
Chipwe tuli ni uhenge,
Wakutuvwila keke.
Mutukuwayila chinji
Ni mbunge yetu yeswe.
-
2. Twakumona upeme we
Hakachi ka atu je
Muze akuya mu munda
Ni mu mwono wo weswe.
Tufunga twe kanakwasa
Atu je hashi heswe.
Yehova, Tata, tukwase
Tupwe atu apema.
-
3. Tupale ha upeme twa
Kusolwela mandumbu.
Twatamba kwazanga chinji
Kuhiana atu eka.
Tukwase kweswako tuli
Tupwe atu apema,
Tuhase kukwasa eswe
Mafupiwa ukwaso.
(Tala nawa Sam 103:10; Mar 10:18; Nga 5:22; Efw 5:9.)
