MWASO 45
Kupukuna cha Mbunge Yami
(Samu 19:14)
-
1. Tata, kupukuna chami
Ni manyonga jami eswe
Ndo yikuvwise kuwaha,
Ni kungusongwela chinji.
Muze munguhonga chinji
Ni kuhona kuya tulo,
Mungupukuna yuma ya
Ululi ni hali yena.
-
2. Natamba kunyonga chinji
Ha yuma yamwenemwene,
Ni ya lufuma mupema,
Mba ngupwe ni sambukila.
Manyonga je kali anji
O nawa apema chinji.
Mungupwa ni kupukuna
Maliji je shimbu lieswe.
(Tala nawa Sam 49:3; 63:6; 139:17, 23; Fwp 4:7, 8; 1Ti 4:15.)
