“Mbila chiteli che hali Yehova, iye makakukolesa. Kechi kutayiza akwa ululi kukokoloka nilimwe tangwa.”

Samu 55:22

“Manyonga a yipalakata katwala kukulumbama wika; alioze manyonga a mukwa kulipupula katwala ku kuhona wika.”

Yishima 21:5

“Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.”

Izaia 41:10

“Iya wa kuli yenu, ha kulipikala chinji, mahasa kuwezela matangwa ku mwono wenyi?”

Mateu 6:27

“Kashika, kanda nulipikala ni tangwa lia hamene, mumu tangwa lia hamene ni yipikalo yalio. Tangwa ni tangwa likwete yipikalo yalio.”

Mateu 6:34

 “Nukase shindakenyo ha yuma yahiana ulemu.”

A-Fwilipu 1:10

“Kanda nulipikala ha chuma nichimwe, alioze ha yuma yeswe yize munuhona, nyingikisenu kwita chenu kuli Zambi kupalikila mu kulemba ni kuliumba hamwe ni kusakwilila; mba sambukila ya Zambi yize yahiana kunyonga cheswe, muyikafunga mbunge jenu ni kunyonga chenu kupalikila muli Kristu Yesu.”

A-Fwilipu 4:​6, 7