CHIHULA 17
Kuchi Mbimbiliya Muyihasa Kukwasa Usoko Wenu?
MALUNGA/YISEMI
“Chizechene nawa, malunga katamba kuzanga mapwo jo, ngwe chize akuzanga mijimba yoene. Lunga yoze wakuzanga mukwo-pwo, kakulizanga iye mwene. Mumu, niumwe mutu yoze wakuvwila kole mujimba wenyi wakuhi, alioze kakuulisa ni kuufumba . . .
Kashika, mutu ni mutu, akazange mukwo-pwo, ngwe chize akulizanga iye mwene; chikwo nawa, pwo katamba kuvumbika mukwo-lunga.”
“Yisemi, kanda nuvwisa ana jenu kupiha, alioze nungenu ni kwalela mu fumbo ni mu shimbi ja Yehova.”
MAPWO
“Pwo katamba kuvumbika mukwo-lunga.”
“Mapwo, zeyelenu kuli malunga jenu, ngwe chize chinalite muli Mwene.”
ANA
“Ana, ononokenu kuli yisemi jenu mukulinunga ni Mwene, mumu chino chinalite kumeso ja Zambi. ‘Lemesa tatenu ni noko,’ yino yili shimbi yitangu yili ni chilakenyo: ‘Hanga yeswe yende kanawa ku mwono we ni kutwama mashimbu anji hano hashi.’”
“Ana, ononokenu kuli yisemi jenu mu yuma yeswe, mumu chino chakupemena kuli Mwene.”