CHIHULA 5
Sango jika jilemu jili mu Mbimbiliya?
“Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.”
“Mu munyachi we makawahisa mavungu eswe a hashi, mumu hiunononoka ku liji liami.”
“Wanangana wenu wize. Upale wenu ulingiwe hano hashi, ngwe chizechene unalingiwa mu malilu.”
“Kwasala hakehe hanga Zambi yoze wakuhana sambukila afwenye Satana kushi lia yiliato yenu.”
“Muze yuma yeswe makayizeyesa kuli iye, chocho mwe Mwana neye makazeyela Yoze wazeyesele yuma yeswe kuli iye, hanga Zambi akapwe yuma yeswe muli eswe.”
“Yilakenyo kayilingile kuli Apalahama ni kuli munyachi wenyi . . . , iye Kristu. Chikwo nawa, nyi nuli a Kristu, kwamba pundu nuli munyachi wa Apalahama.”
“Wanangana wa hano hashi, hiwapwa Wanangana wa Mwene wetu ni wa Kristu wenyi, iye kumakayula ndo ku miaka ya mutolo.”
“Chocho ndragau munene amunyashine hashi, kapela wa shakulu avuluka ngwo, Ndiapu kanda Satana, yoze unapiangula akwa-hashi heswe; amunyashine ndo hashi ni angelo jenyi hamwe nenyi.”
“Iye yakwata ndragau mwe kapela wa shakulu, mwenawo Ndiapu kanda Satana, yamukasa ha 1,000 ka miaka.”
