Mukanda Utangu wa Yoano 1:1-10
1 Ngunanusonekena hakutwala kuli yoze wapwileko chize ku uputukilo, yoze twevwile, twamwene ni meso jetu, twazewile, twakwachile ni moko jetu, yoze wakuneha liji lia mwono,
2 (chochene, mwono kausolwele, ni yetu twaumwene, tunahana uchela ni kunulweza hakutwala ku mwono wa mutolo uze wapwile ni Tata, ni uze atusolwelele),
3 yize twevwile ni kumona, yenayo nawa tunanulweze hanga ni yenu nulinunge ni yetu. Ni yetu tulinunge ni Tata ni Mwanenyi, Yesu Kristu.
4 Twasoneka yuma yino hanga tuwahilile chinji.
5 Jino je sango twevwile kuli iye, je tunanulweze ngwetu: Zambi iye pangu, muli iye milima kuyishimo.
6 Nyi mutwamba ngwetu: “Twakulivwashana nenyi,” alioze tunanungu ni kwenda mu milima, tunaliongo, kutushi kutwama kulita ni umwenemwene.
7 Alioze, nyi twenda mu pangu ngwe chize iye mwene ali mu pangu, tunalinungu umwe ni mukwo, chikwo nawa manyinga a Mwanenyi Yesu, kanatupemesa ku shili yeswe.
8 Nyi mutwamba ngwetu: “Kutushi shili,” tunaliongo yetu ene, umwenemwene kuushi muli yetu.
9 Nyi twambulula shili yetu, iye kashishika nawa mukwa-ululi, matukonekenayo ni kutupemesa ku uhenge wetu weswe.
10 Nyi mutwamba ngwetu: “Kutushi kuvulumuna,” mutusolola ngwe iye kali mukwa-mahuza ni liji lienyi kulishi muli yetu.
