Estere 10:1-3
-
Mordekai yamulemesa (1-3)
10 Mwanangana Ahashueru yahana milimo yikalu kuli atu a mu yifuchi ni a mu matungu a kalunga-lwiji.
2 Hakutwala ku yitanga yenyi yeswe ya tachi ni ya ndundo, ni chize alemesene Mordekai, hanayisoneka mu mukanda wa sango ja mianangana ja A-Media ni A-Persia.
3 Mordekai Ka-Yunda, wapwile mutu wamuchiali mu wanangana, Mwanangana Ahashueru mwe te wamuhiana wika. Kapwile mulemu hakachi ka A-Yunda, chikwo nawa, te kakumuvumbika chinji. Iye te kakukalakala hanga ayukise atu jenyi ni minyachi yo.
