Yoshua 12:1-24
12 Wano kali mianangana a chifuchi chize A-Izalele akumbile ni yifuchi yize atambwile ku chivumbuko cha Yordau, chize ku chikulo cha Amone ndo ku mulundu wa Hermone, ni sali lieswe lia chivumbuko cha Arapa:
2 Sahone, mwanangana wa A-Amore, yoze te watwama ku Heshebone, te wakuyula mbonge ya Aroere, yize yapwile ku sesa lia chikulo cha Amone, chize mukachi ka chikulo cha Amone ndo mu chikulo cha Yapoke, chapwile ni chenyi, iye te kakuyula chihanda cha Ngiliate, ha chikulo cha Yapoke he te hakusulila njiza ya Amone.
3 Iye te kakuyula nawa ku Arapa ndo sali lia chivumbuko cha Kalunga-lwiji Chinerote, ndo sali lia chivumbuko cha Kalunga-lwiji wa Arapa, Kalunga-lwiji wa Mungwa ni kutalikisa ku Mbete-Jeshimote, ni ku uto, ku chana cha milundu ya Pisiga.
4 A-Izalele yatambula nawa njiza ya Oge mwanangana wa Mbashane, umwe wa kuli A-Refane wakasula, yoze te watwama mu Asatarote ni ku Endreya,
5 te wakuyula ku mulundu wa Hermone, ku Saleka ni mu Mbashane yeswe ndo mu njiza ya A-Ngeshure ni ya A-Makata, ni ya chihanda cha ha muchima cha Ngiliate ndo mu njiza ya Sahone, mwanangana wa Heshe-Bone.
6 Mianangana wano e akumbile kuli Mose kavumbi wa Yehova ni A-Izalele. Mba Mose kavumbi wa Yehova, yahana chifuchi cho ngwe chihinga kuli A-Rupene, A-Ngate, ni chihanda cha munyachi wa A-Manase.
7 Wano kali mianangana a mu chifuchi chize Yoshua ni A-Izalele akumbile ku chitokelo cha Yordau, chize ku Mbale-Ngate mu chikulo cha Lebano ndo ku mulundu wa Halaka uze unakanduka ku Sere, kuze kuli chifuchi chize Yoshua ahanyine kuli minyachi ya Izalele ngwe chihinga hanga alitetelecho hakachi ko.
8 Yino ye yifuchi ahele: Chifuchi cha ku milundu, ku Yana, mu Arapa, ha mingulunga, mu puya, mu Nengeve, mu chifuchi cha A-Hete, cha A-Amore, cha A-Kanana, cha A-Perize, cha A-Hevwe ni cha A-Yepushe.
9 Mianangana jacho kali wano: Mwanangana wa Yeriku, umuwika; mwanangana wa Ayi yoze te watwama sali lia Mbetele, umuwika;
10 mwanangana wa Yerusaleme, umuwika; mwanangana wa Heprone, umuwika;
11 mwanangana wa Yaramuta, umuwika; mwanangana wa Lakishi, umuwika;
12 mwanangana wa Eglone, umuwika; mwanangana wa Ngezere, umuwika;
13 mwanangana wa Ndebire, umuwika; mwanangana wa Ngedere, umuwika;
14 mwanangana wa Horoma, umuwika; mwanangana wa Arata, umuwika;
15 mwanangana wa Libna, umuwika; mwanangana wa Ndulame, umuwika;
16 mwanangana wa Makeda, umuwika; mwanangana wa Mbetele, umuwika;
17 mwanangana wa Tapua, umuwika; mwanangana wa Hefere, umuwika;
18 mwanangana wa Afeke, umuwika; mwanangana wa Lasharone, umuwika;
19 mwanangana wa Madone, umuwika; mwanangana wa Hazore, umuwika;
20 mwanangana wa Shimerone-Merone, umuwika; mwanangana wa Akasafa, umuwika;
21 mwanangana wa Tanaka, umuwika; mwanangana wa Megidu, umuwika;
22 mwanangana wa Kendeshe, umuwika; mwanangana wa Njokename mu Karmela, umuwika;
23 mwanangana wa Ndole ku mindundena ya Ndole, umuwika; mwanangana wa Ngoyime mu Ngilingali, umuwika;
24 mwanangana wa Tiriza, umuwika. Eswe kapwile mianangana 31.
