Yoshua 21:1-45
21 Chocho, akwa-lutwe akwo a munyachi wa A-Levi, yakundama kuli sasendote Eleazare, kuli Yoshua mwana wa Nune ni kuli miata akwo a mu Izalele.
2 Yamba kuli ayo mu Shilo mu chifuchi cha Kanana ngwo: “Yehova kupalikila muli Mose, katumine kutwaha mambonge hanga tutwamemo ni yihela yakulishilamo yimuna jetu.”
3 Kashika, kulita ni shimbi ya Yehova, A-Izalele ku chihinga cho yahana kuli A-Levi mambonge amwe ni yihela yakulishilamo yimuna.
4 Chela yichiholokela ku munyachi wa A-Kohate, mba A-Levi waze apwile a ku munyachi wa sasendote Arone, yatambula mambonge 13 mu munyachi wa Yunda, Simeone ni Mbenjamine kupalikila mu chela.
5 Usoko wa munyachi wa Eframe, munyachi wa Ndane ni chihanda cha munyachi wa Manase, yahana mambonge 10 kuli waze asalile a ku munyachi wa A-Kohate.
6 A-Ngeshone yatambula mambonge 13 mu usoko wa munyachi wa Yisaka, mu munyachi wa Ashe, mu munyachi wa Napatali ni mu chihanda cha munyachi wa Manase mu Mbashane.
7 A-Merari, kulita ni usoko wo, yatambula mambonge 12 mu minyachi ya A-Rupene, A-Ngate ni A-Zapulone.
8 Chocho, kulita ni chela A-Izalele yahana kuli A-Levi mambonge wano ni yihela yakulishilamo yimuna, ngwe chize Yehova aalwezele kupalikila muli Mose.
9 Akwa-munyachi wa Yunda ni wa Simeone, kahanyine mambonge wano;
10 mambonge jacho kahanyine kuli usoko wa Kohate, ana ja Arone, a ku munyachi wa A-Levi, mumu chela chitangu chaholokele hali ayo.
11 Yaaha mbonge ya Kiriate-Arpa (Arpa kapwile tato ya Anake), chekwamba, Heprone, ku chifuchi cha ku milundu cha Yunda ni yihela yakulishilamo yimuna.
12 Alioze, minda ni yihunda ya mu mambonge yayihana kuli Kalemba, mwana wa Yefune, hanga yipwe chihinga chenyi.
13 Ana ja sasendote Arone, yaaha mbonge ya uchinyino, chekwamba, Heprone hanga afungilemo yoze mashiha mutu ni yihela yakulishilamo yimuna. Yaaha nawa Libna ni yihela yakulishilamo yimuna,
14 Yatiri ni yihela yakulishilamo yimuna, Eshetemo ni yihela yakulishilamo yimuna,
15 Holone ni yihela yakulishilamo yimuna, Ndebire ni yihela yakulishilamo yimuna,
16 Ayine ni yihela yakulishilamo yimuna, Yuta ni yihela yakulishilamo yimuna ni Mbete-Shemeshe ni yihela yakulishilamo yimuna, mambonge 9 a minyachi yino yaali.
17 Akwa-munyachi wa Mbenjamine yahana mambonge wano: Ngibeone ni yihela yakulishilamo yimuna, Ngeba ni yihela yakulishilamo yimuna,
18 Anatote ni yihela yakulishilamo yimuna, ni Alamone ni yihela yakulishilamo yimuna, mambonge 4.
19 Mambonge eswe waze ahanyine kuli munyachi wa Arone ni kuli asasendote, kapwile 13 ni yihela yakulishilamo yimuna.
20 Asoko ja Kohate waze asalile hakachi ka A-Levi, yatambula mambonge a munyachi wa Eframe kulita ni chela.
21 Yatambula mbonge ya uchinyino, chekwamba, Shekeme muze te mafungila mutu yoze mashiha mukwo, ni yihela yakulishilamo yimuna, ku chifuchi cha ku mulundu wa Eframe, yatambula nawa Ngezere ni yihela yakulishilamo yimuna,
22 Kibizaime ni yihela yakulishilamo yimuna ni Mbete-Horone ni yihela yakulishilamo yimuna, mambonge 4.
23 Mambonge a munyachi wa Ndane kapwile wano: Eleteke ni yihela yakulishilamo yimuna, Ngibetone ni yihela yakulishilamo yimuna,
24 Ajalone ni yihela yakulishilamo yimuna ni Ngate-Rimone ni yihela yakulishilamo yimuna, mambonge 4.
25 Mambonge a chihanda cha munyachi wa Manase kapwile wano: Tanaka ni yihela yakulishilamo yimuna, ni Ngate-Rimone ni yihela yakulishilamo yimuna, mambonge 2.
26 Mambonge eswe ni yihela yakulishilamo yimuna, yize A-Kohate waze asalile atambwile kapwile 10 ni yihela yakulishilamo yimuna.
27 Ku chihanda cha munyachi wa Manase, A-Ngeshone a mu usoko wa A-Levi, yatambula mbonge ya uchinyino hanga afungilemo yoze mashiha mutu, chekwamba, mbonge ya Ngolane mu Mbashane ni yihela yakulishilamo yimuna; yatambula nawa Mbeshetera ni yihela yakulishilamo yimuna, mambonge 2.
28 Mambonge a munyachi wa Yisaka kapwile wano: Kishione ni yihela yakulishilamo yimuna, Ndaberata ni yihela yakulishilamo yimuna,
29 Yaramuta ni yihela yakulishilamo yimuna, ni Ene-Nganime ni yihela yakulishilamo yimuna, mambonge 4.
30 Mambonge a munyachi wa Ashe kapwile wano: Mishala ni yihela yakulishilamo yimuna, Abadone ni yihela yakulishilamo yimuna,
31 Helekata ni yihela yakulishilamo yimuna, ni Rehobo ni yihela yakulishilamo yimuna, mambonge 4.
32 Mambonge a munyachi wa Napatali kapwile wano: Mbonge ya uchinyino ya yoze mashiha mutu, Kendeshe mu Ngalileya ni yihela yakulishilamo yimuna, ni Hamoto-Ndore ni yihela yakulishilamo yimuna ni Kartane ni yihela yakulishilamo yimuna, mambonge 3.
33 Mambonge eswe waze A-Ngeshone atambwile kulita ni usoko wo, kapwile mambonge 13 ni yihela yakulishilamo yimuna.
34 Usoko wa A-Merari ni A-Levi waze asalileko, yatambula ku munyachi wa Zapulone mambonge a Njokename ni yihela yakulishilamo yimuna, Karta ni yihela yakulishilamo yimuna,
35 Ndima ni yihela yakulishilamo yimuna, ni Nahalale ni yihela yakulishilamo yimuna, mambonge 4.
36 Mambonge a munyachi wa Rupene kapwile wano: Mbezere ni yihela yakulishilamo yimuna, Yahaze ni yihela yakulishilamo yimuna,
37 Kedemote ni yihela yakulishilamo yimuna ni Mefata ni yihela yakulishilamo yimuna, mambonge 4.
38 Mambonge a munyachi wa Ngate kapwile wano: Mbonge ya uchinyino ya yoze mashiha mutu, chekwamba, Ramote mu Ngiliate ni yihela yakulishilamo yimuna, Mahaneme ni yihela yakulishilamo yimuna,
39 Heshebone ni yihela yakulishilamo yimuna, ni Yazere ni yihela yakulishilamo yimuna. Mambonge wano eswe kapwile 4.
40 Mambonge eswe waze A-Merari atambwile, chekwamba, waze asalile mu usoko wa A-Levi kapwile 12, kulita ni usoko wo.
41 Mukachi ka chihinga cha A-Izalele mambonge eswe waze A-Levi atambwile kapwile 48 ni yihela yakulishilamo yimuna.
42 Mambonge jacho kapwile ni yihela yakulishilamo yimuna, mambonge eswe che apwile.
43 Chocho, Yehova yahana kuli A-Izalele chifuchi cheswe chize alakenyene kuhana kuli tulamba two. Ayo yachitambula ni kutwamamo.
44 Mba Yehova yaaha uhwimino ngwe chize alakenyene kuli tulamba two. Niumwe wa kuli akwa-kole jo wahashile kwakumba wakuhi. Yehova yakunjika akwa-kole jo eswe mu moko jo.
45 Yilakenyo yeswe yipema yize Yehova alakenyene vungu lia Izalele yamanunukine, nichimwe kuchakahonene kumanunuka.
